വനിത ഏകദിന ലോകകപ്പില്‍ നിര്‍ണ്ണായകമായ മത്സരത്തില്‍ ഇന്ത്യന്‍ വനിതകള്‍ക്ക് ജയം. സെമി സാധ്യതയ്ക്കായി ഇനിയുള്ള രണ്ട് മത്സരങ്ങളും ജയിക്കേണ്ട ഇന്ത്യ ഇന്ന് ബംഗ്ലാദേശിനെതിരെ 110 റണ്‍സിന്റെ വിജയം ആണ് നേടിയത്. ബാറ്റിംഗില്‍ 229/7 എന്ന സ്കോര്‍ മാത്രമാണ് ടീം നേടിയതെങ്കിലും ബൗളര്‍മാര്‍ അവസരത്തിനൊത്തുയര്‍ന്നപ്പോള്‍ ബംഗ്ലാദേശിനെ 40.3 ഓവറില്‍ 119 റണ്‍സിന് ഓള്‍ഔട്ട് ആക്കി ഇന്ത്യ കൂറ്റന്‍ വിജയം നേടുകയായിരുന്നു.
ഇന്ത്യയ്ക്കായി 4 വിക്കറ്റ് നേടിയ സ്നേഹ് റാണയാണ് ബൗളിംഗില്‍ തിളങ്ങിയത്. ജൂലന്‍ ഗോസ്വാമിയും പൂജ വസ്ട്രാക്കര്‍ രണ്ട് വിക്കറ്റും നേടി. 32 റണ്‍സ് നേടിയ സല്‍മ ഖാത്തുന്‍ ആണ് ബംഗ്ലാദേശിന്റെ ടോപ് സ്കോറര്‍.
