സിപിഎം സെമിനാറില്‍ പങ്കെടുക്കണം: കാന്തപുരം

ഏകീകൃത സിവില്‍ കോഡില്‍ സിപിഎം നടത്താനിരിക്കുന്ന സെമിനാറില്‍ മുസ്ലീം ലീഗ പങ്കെടുക്കണമെന്ന് കാന്തപുരം എപി അബൂബക്കര്‍. സിപിഎം സെമിനാറിലേക്ക് കഴിഞ്ഞ ദിവസം സംസ്ഥാന സെക്രട്ടറി എംവി ഗോവിന്ദന്‍ എല്ലാ സംഘടനകളെയും സ്വാഗതം ചെയ്തിരുന്നു. എന്നാല്‍ ലീഗില്‍ ഭിന്നാഭിപ്രായമാണ് വിഷയത്തില്‍ ഉടലെടുത്തിരുന്നത്. ലീഗ് സംസ്ഥാന സെക്രട്ടറി ഇടി മുഹമ്മദ് ബഷീര്‍ കഴിഞ്ഞ ദിവസം സിപിഎം സെമിനാറില്‍ പങ്കെടുക്കില്ലെന്ന് അറിയിച്ചിരുന്നു. എന്നാല്‍ ഇത് സംബന്ധിച്ച് ഇന്ന് മുസ്ലീം ലീഗിന്റെ ചര്‍ച്ച നടക്കാനിരിക്കെയാണ് കാന്തപുരം എപി അബൂബക്കര്‍ നിലപാട് വ്യക്തമാക്കിയിരിക്കുന്നത്. ഏകീകൃത സിവില്‍ കോഡിനെതിരെ എല്ലാവരും ഒറ്റക്കെട്ടായി നില്‍ക്കണമെന്ന്് കാന്തപുരം അഭിപ്രായപ്പെടുന്നു. മുസ്ലീം ലീഗിന്റെ ചര്‍ച്ചയ്ക്ക് ഒടുവിലാവും ഇത് സംബന്ധിച്ച അന്തിമ തീരുമാനം പുറത്ത് വരുക.