ബിജെപി തന്നെ യോഗത്തിലേക്ക് ക്ഷണിച്ചില്ലെന്ന് പനീര്‍ശെല്‍വം

ചെന്നൈ:ന്യൂഡെല്‍ഹിയില്‍ ചൊവ്വാഴ്ച നടന്ന എന്‍ഡിഎയുടെ യോഗത്തില്‍ പങ്കെടുക്കാന്‍ തന്നെ ക്ഷണിച്ചില്ലെന്ന് മുന്‍ തമിഴ്‌നാട് മുഖ്യമന്ത്രി ഒ.പനീര്‍ശെല്‍വം.മുന്നണിക്ക് നേതൃത്വം നല്‍കുന്ന ബിജെപിയുടെ അധ്യക്ഷനോ മറ്റ് നേതാക്കളൊ തന്നെ യോഗത്തിലേക്ക് ക്ഷണിച്ചില്ലെന്ന് അദ്ദേഹം ആവര്‍ത്തിച്ചു.എന്നാല്‍ താന്‍ ബിജെപി സഖ്യത്തില്‍ തുടരുമെന്ന് മുന്‍ തമിഴ്‌നാട് മുഖ്യമന്ത്രി വ്യക്തമാക്കി.താനുമായുള്ള സഖ്യം ബിജെപി അവസാനിപ്പിക്കും വരെ രാജ്യം ഭരിക്കുന്ന പാര്‍ട്ടിയുമായി താന്‍ സഖ്യം തുടരുമെന്ന് പനീര്‍ശെല്‍വം പറഞ്ഞു.