ഒന്റാരിയോ അതിർത്തി വഴി കടത്താൻ ശ്രമിച്ച മയക്കുമരുന്ന് പിടികൂടി. ഏകദേശം 6.5 ദശലക്ഷം ഡോളർ വിലമതിക്കുന്ന മയക്കുമരുന്ന് ആണ് ട്രക്കിൽ ഒളിപ്പിച്ച നിലയിൽ കണ്ടെത്തിയത്. സംഭവവുമായി ബന്ധപ്പെട്ട് ഒരാളെ അറസ്റ്റ് ചെയ്തതായി ആർസിഎംപി അറിയിച്ചു.
ഇന്ത്യൻ വംശജനായ സുഖ്‌വീന്ദർ ധന്‌ജു എന്നയാളാണ് നയാഗ്ര-ഓൺ-ദി-ലേക്കുളള ബോർഡർ ക്രോസിംഗ് വഴി മയക്കുമരുന്ന് കടത്തിയതിന് അറസ്റ്റിലായത്. ഇയാൾക്കെതിരെ മയക്കുമരുന്ന് ഇറക്കുമതി, കടത്ത് എന്നിവയുമായി ബന്ധപ്പെട്ട കുറ്റങ്ങളാണ് ചുമത്തിയത്. ധഞ്ചുവിനെ പിന്നീട് ഉപാധികളോടെ കസ്റ്റഡിയിൽ നിന്ന് മോചിപ്പിച്ചതായി ആർസിഎംപി അറിയിച്ചു.
