വീട്ടിൽ മരിച്ച നിലയിൽ കണ്ടെത്തിയ യുവതിയെ തിരിച്ചറിഞ്ഞു

ടൊറൻ്റോ : സ്കാർബ്റോയിൽ വീട്ടിൽ മരിച്ച നിലയിൽ കണ്ടെത്തിയ യുവതിയെ തിരിച്ചറിഞ്ഞതായി ടൊറൻ്റോ പൊലീസ് അറിയിച്ചു. 42 വയസുള്ള ജൂലിയ മക്ഐസക്ക് ആണ് കൊല്ലപ്പെട്ടത്. സംഭവത്തിൽ 43 വയസുള്ള ഡേവിഡ് സ്ലിംഗറിനെ പൊലീസ് അറസ്റ്റ് ചെയ്തിട്ടുണ്ട്. ഇയാൾക്കെതിരെ കൊലപാതക കുറ്റം ചുമത്തി.

ഗോൾഫ് ക്ലബ് റോഡിനും കിംഗ്സ്റ്റൺ റോഡ് മേഖലയ്ക്കും സമീപമുള്ള വീട്ടിൽ വ്യാഴാഴ്ച പുലർച്ചെ നാലുമണിയോടെയാണ് യുവതിയുടെ മൃതദേഹം കണ്ടെത്തിയത്.