ഓട്ടവ ; രാജ്യത്ത് രൂക്ഷമായ ഭവന പ്രതിസന്ധി പരിഹരിക്കാനായി പ്രവിശ്യകൾക്കും ടെറിട്ടറികൾക്കും 600 കോടി ഡോളറിൻ്റെ പദ്ധതി പ്രഖ്യാപിച്ച് പ്രധാനമന്ത്രി ജസ്റ്റിൻ ട്രൂഡോ. ഏപ്രിൽ 16-ന് ഫെഡറൽ ബജറ്റ് അവതരിപ്പിക്കാനിരിക്കെയാണ് ട്രൂഡോയുടെ പ്രഖ്യാപനം.
മൂന്നു വർഷത്തിനുള്ളിൽ 12,000 പുതിയ വീടുകൾ നിർമിക്കുക എന്ന ലക്ഷ്യത്തോടെയാണ് പദ്ധതി പ്രഖ്യാപിച്ചിട്ടുള്ളത്. പുതിയ വീടുകളുടെ നിർമാണത്തിനായി അടിസ്ഥാന സൗകര്യങ്ങൾ സജീകരിക്കുന്നതിനു ഈ ഫണ്ട് വിനിയോഗിക്കും. വീടുകളുടെ നിർമാണത്തിനായി ഫെഡറൽ ഗവൺമെന്റുമായി കരാറിലെത്താൻ പ്രവിശ്യകൾക്ക് 2025 ജനുവരി 1 വരെയും ടെറിട്ടറികൾക്ക് 2025 ഏപ്രിൽ 1 വരെയും സമയം നൽകിയിട്ടുണ്ട്.
രാജ്യത്തുടനീളം ചിലവ് കുറഞ്ഞ വീടുകൾ നിർമിക്കുന്നതിനായി നൽകുന്ന നിലവിലുള്ള ഹൗസിംഗ് ആക്‌സിലറേറ്റർ ഫണ്ട് പ്രോഗ്രാമിലേക്ക് 400 ദശലക്ഷം ഡോളർ നിക്ഷേപിക്കുമെന്നും ട്രൂഡോ പറഞ്ഞു.
