തിരുവനന്തപുരം: എകെജി സെന്റര് ആക്രമണക്കേസില് ഒളിവിലായിരുന്ന രണ്ടാം പ്രതി അറസ്റ്റില്. യൂത്ത് കോണ്ഗ്രസ് തിരുവനന്തപുരം മുന് ജില്ലാ സെക്രട്ടറി സുഹൈല് ഷാജഹാനാണ് പിടിയിലായത്. ഡല്ഹി വിമാനത്താവളത്തില് നിന്നാണ് ഇയാളെ കസ്റ്റഡിയില് എടുത്തത്. കഴിഞ്ഞ രണ്ട് വർഷമായി വിദേശത്ത് ഒളിവിൽ കഴിയുകയായിരുന്നു സുഹൈൽ.
ഇന്ന് തന്നെ അന്വേഷണ സംഘം ഡല്ഹിയിലെത്തി സുഹൈലിനെ തിരുവനന്തപുരത്ത് എത്തിക്കും. എകെജി സെന്റര് ആക്രമണത്തിന്റെ മുഖ്യസൂത്രധാരന് സുഹൈലാണെന്നാണ് ക്രൈം ബ്രാഞ്ച് റിപ്പോര്ട്ടിൽ പറയുന്നത്. എന്നാൽ സംഭവത്തിന് പിന്നാലെ ഇയാൾ വിദേശത്തേക്ക് കടന്നു കളയുകയായിരുന്നു. ഇയാള്ക്കെതിരെ ബ്ലൂ കോര്ണര് നോട്ടീസ് ഉൾപ്പെടെ പുറപ്പെടുവിച്ചിരുന്നു.
രാഷ്ട്രീയ കോളിളക്കം സൃഷ്ടിച്ച എകെജി സെന്റര് ആക്രമണം നടന്ന് രണ്ട് വര്ഷം തികയുമ്പോഴാണ് മുഖ്യആസൂത്രകന് പിടിയിലായിരിക്കുന്നത്. സ്കൂട്ടറിലെത്തിയ ആളാണ് എകെജി സെന്ററിലേക്ക് പടക്കം എറിഞ്ഞത്. ഇതിന്റെ സിസിടിവി ദൃശ്യങ്ങളടക്കം പുറത്തുവന്നിരുന്നു. സംഭവം നടന്ന് 85ാം ദിവസമായിരുന്നു യൂത്ത് കോണ്ഗ്രസ് നേതാവ് കൂടിയായ വി ജിതിന് പിടിയിലായത്. പിന്നാലെ ജിതിന് സ്കൂട്ടര് എത്തിച്ചുനല്കിയ സുഹൃത്ത് നവ്യയും പിടിയിലായിരുന്നു.