ബ്രിട്ടണിൽ 14 വർഷത്തെ കൺസർവേറ്റീവ് ഭരണം അവസാനിച്ചേക്കുമെന്ന് എക്സിറ്റ്പോൾ ഫലങ്ങൾ. ലേബർ പാർട്ടി 410 സീറ്റുകൾ നേടി അധികാരത്തിൽവരുമെന്ന സൂചനയാണ് എക്സിറ്റ് പോളുകൾ നൽകുന്നത്.
ലേബർ പാർട്ടിക്ക് അധികാരം ലഭിച്ചാൽ മനുഷ്യാവകാശപ്രവർത്തകനും അഭിഭാഷകനുമായ കെയ്ർ സ്റ്റാർമർ അടുത്ത പ്രധാനമന്ത്രിയാകും. 650 അംഗ പാർലമെന്റിൽ 410 സീറ്റ് നേടുമെന്നാണ് പുറത്തുവരുന്ന റിപ്പോർട്ട്. ശക്തികേന്ദ്രങ്ങളിൽ പോലും കൺസർവേറ്റീവ് പാർട്ടി തകർന്നടിയുമെന്നാണ് സർവേഫലങ്ങൾ നൽകുന്ന സൂചന. ഋഷി സുനകിന്റെ കൺസർവേറ്റീവ് പാർട്ടിക്ക് 131 സീറ്റ് മാത്രമാണുള്ളത്. ഇംഗ്ലണ്ട്, സ്കോട്ട്ലൻഡ്, വെയിൽസ്, വടക്കൻ അയർലൻഡ് എന്നിവിടങ്ങളിലായി 4.6 കോടി പേർക്കാണ് വോട്ടവകാശം.