ഓട്ടവ : മെയ് മാസത്തെ അപേക്ഷിച്ച് ജൂണിൽ ഭവന നിർമ്മാണ വാർഷിക വേഗത ഒമ്പത് ശതമാനം കുറഞ്ഞതായി കാനഡ മോർഗെജ് ആൻഡ് ഹൗസിങ് കോർപ്പറേഷൻ. മെയ് മാസത്തിൽ മൊത്തം 264,929 വീടുകൾ നിർമ്മിച്ചപ്പോൾ ജൂണിൽ 241,672 യൂണിറ്റുകളാണ് നിർമ്മാണം പൂർത്തിയാക്കിയതെന്ന് ഹൗസിങ് ഏജൻസി പറയുന്നു.
![](http://mcnews.ca/wp-content/uploads/2023/07/Team-JZACH-8-1024x726.jpg)
2023 ജൂണുമായി താരതമ്യപ്പെടുത്തുമ്പോൾ കാനഡയിലെ മൂന്ന് പ്രധാന നഗരങ്ങളിൽ രണ്ടെണ്ണത്തിൽ ഭവന നിർമ്മാണം വളരെ കുറഞ്ഞതായും ഏജൻസി അറിയിച്ചു. ടൊറൻ്റോയിൽ 60 ശതമാനവും വാൻകൂവറിൽ 55 ശതമാനവും വീടുകളുടെ നിർമ്മാണം കുറഞ്ഞു. അതേസമയം ജൂൺ മാസത്തിൽ മൺട്രിയോളിലെ ഭവന നിർമ്മാണം 226% ഉയർന്നു. കാനഡയിലുടനീളമുള്ള നഗര കേന്ദ്രങ്ങളിൽ നിർമ്മിക്കുന്ന വീടുകളുടെ എണ്ണം ജൂണിൽ 13% കുറഞ്ഞ് 20,509 യൂണിറ്റുകളായി. മുൻ വർഷം 23,518 യൂണിറ്റുകളായിരുന്നു ഇത്. മൾട്ടി-യൂണിറ്റുകളുടെ നിർമ്മാണം കുറഞ്ഞതാണ് ഈ ഇടിവിന് കാരണമെന്ന് CMHC പറഞ്ഞു. ഗ്രാമീണ മേഖലയിലെ ഭവന നിർമ്മാണ നിരക്ക് മെയ് മാസത്തെ 248,260 യൂണിറ്റുകളെ അപേക്ഷിച്ച് ജൂണിൽ 0.4% കുറഞ്ഞ് 247,205 യൂണിറ്റിലെത്തി.