സ്കാർബ്റോ : നഗരത്തിലെ അപ്പാർട്ട്‌മെൻ്റിൽ അതിക്രമിച്ച് കയറി യുവാവിനെ ആക്രമിച്ച സംഭവത്തിൽ പ്രതിക്കെതിരെ കുറ്റം ചുമത്തി. റോളണ്ട് സർക്കോസിയാണ് കേസിൽ അറസ്റ്റിലായത്.
ജൂൺ 30-ന് രാവിലെ സെൻ്റ് ക്ലെയർ അവന്യൂ ഈസ്റ്റ്, ബിർച്ച്മൗണ്ട് റോഡിന് സമീപമുള്ള അപ്പാർട്ട്മെൻ്റിലായിരുന്നു സംഭവം. പ്രതി വീട്ടിൽ അതിക്രമിച്ചു കയറി യുവാവിനെ ആക്രമിച്ച് കടന്നുകളയുകയായിരുന്നു. പ്രതിയും യുവാവും പരസ്പരം പരിചയമുള്ളവരാണെന്ന് പൊലീസ് പറയുന്നു. ജൂലൈ 14-ന് ആണ് റോളണ്ട് സർക്കോസ്‌ അറസ്റ്റിലായത്. ആക്രമണം, വീട്ടിൽ അതിക്രമിച്ചു കടക്കൽ, തുടങ്ങിയ കുറ്റങ്ങൾ പ്രതിക്കെതിരെ ചുമത്തിയിട്ടുണ്ട്.
