സ്കാർബ്റോ വെടിവയ്പ്പ്: രണ്ടു പേർ മരിച്ചു

ടൊറന്റോ : ഇന്ന് പുലർച്ചെ സ്കാർബ്റോയിലുണ്ടായ വെടിവയ്പ്പിൽ രണ്ടുപേർ മരിച്ചു. രണ്ടു പേർക്ക് ഗുരുതരമായി പരുക്കേറ്റു. പുലർച്ചെ രണ്ടരയോടെ എല്ലെസ്മിയർ റോഡിനും ഓക്‌ലി ബൊളിവാർഡിനും സമീപമായിരുന്നു സംഭവം. ഗുരുതരമായി പരുക്കേറ്റ രണ്ടുപേർ ചികിത്സയിലാണ്.

നിലവിൽ സംശയാസ്പദമായ വിവരങ്ങളൊന്നും ലഭിച്ചിട്ടില്ലെന്നാണ് പൊലീസ് പറയുന്നത്. അന്വേഷണം പുരോഗമിക്കുകയാണെന്നും എന്തെങ്കിലും വിവരം ലഭിക്കുന്നവർ അറിയിക്കണമെന്നും പൊലീസ് നിർദേശിച്ചു.