ലണ്ടൻ, ഒൻ്റാരിയോ: ലണ്ടൻ ലയൺസ് ക്ലബ്ബ് കേരളയുടെ നേതൃത്വത്തിലുള്ള കേരളോത്സവ് 2024 നോട് അനുബന്ധിച്ച് ഒന്നാമത് ഇൻ്റർനാഷണൽ വടംവലി മത്സരത്തിൽ കോട്ടയം ബ്രദേഴ്സ് ജേതാക്കൾ. വാശിയേറിയ ഫൈനലിൽ ഗ്ലാഡിയേറ്റേഴ്സിനെ ആണ് കോട്ടയം ബ്രദേഴ്സ് പരാജയപ്പെടുത്തിയത്. ലണ്ടനിലെ ഹാമിൽട്ടൺ റോഡിലുള്ള ഡോർചെസ്റ്ററിൽ വച്ചായിരുന്നു മത്സരം. വടംവലി മത്സരത്തിൽ ജേതാക്കളായ ടീമിന് 5001 ഡോളറും ട്രോഫിയും, രണ്ടും, മൂന്നും, നാലും സ്ഥാനക്കാർക്ക് യഥാക്രമം 3001,2001,1001 ഡോളറും ട്രോഫിയും ആയിരുന്നു സമ്മാനം. വടംവലി മത്സരത്തിൻ്റെ ഒന്നാം സമ്മാനം ഷെയ്ഡ്സ് 3 വിൻഡോസ് & ഫാഷൻസും, രണ്ടാം സമ്മാനം BT പെർഫോർമൻസ് ഓട്ടോയും, മൂന്നാം സമ്മാനം SAR ഗ്രൂപ്പും, നാലാം സമ്മാനം ഇന്ത്യാന ഡക്റ്റ് ക്ലീനിങ്ങും ആണ് സ്പോൺസർ ചെയ്തിരുന്നത്.ബിനീഷ് ബേബി ആണ് 10 പേർക്കുള്ള ട്രോഫികൾ സ്പോൺസർ ചെയ്തത്.
കേരളോത്സവത്തോട് അനുബന്ധിച്ച് വാട്ടർ ഡ്രം, സ്ത്രീകളുടെയും കുട്ടികളുടെയും വടംവലി, ഫ്യൂഷൻ ചെണ്ട, ഡാൻസ്, നാടൻ ഭക്ഷണ വിഭവങ്ങൾക്കായി അഞ്ചോളം തട്ടുകടകൾ, വിവിധ തരത്തിലുള്ള കൾച്ചറൽ പ്രോഗ്രാം, ഓട്ടോ എക്സ്പോ, ബിസിനസ് എക്സ്പോ എന്നിവ ഒരുക്കിയിരുന്നു. ബോബൻ ജയിംസിൻ്റ നേതൃത്വത്തിലുള്ള ട്രിനിറ്റി ഗ്രൂപ്പായിരുന്നു മെഗാ സ്പോൺസർ.
