ടൊറൻ്റോ : മെയ് മാസത്തിൽ മിസ്സിസാഗ സ്വദേശിനി ജെസ്സി ടബ്‌സിൻ്റെ മരണവുമായി ബന്ധപ്പെട്ട് 24വയസ്സുള്ള അഡ്രിയാൻ ഗോർഡൻ ജൂനിയറിനെ ഇംഗ്ലണ്ടിൽ വച്ച് അറസ്റ്റ് ചെയ്‌തു. കൊലപാതക കുറ്റത്തിന് ഗോർഡനെതിരെ കാനഡയിലുടനീളം അറസ്റ്റ് വാറണ്ട് പുറപ്പെടുവിച്ചിരുന്നു. തുടർന്ന് നടന്ന അന്വേഷണത്തിൽ ഓഗസ്റ്റ് 19-ന്, ഇംഗ്ലണ്ടിലെ ലൂട്ടണിൽ ഗോർഡനെ കണ്ടെത്തി അറസ്റ്റ് ചെയ്യുകയായിരുന്നു.
മെയ് 22-ന് പുലർച്ചെ പന്ത്രണ്ടരയോടെയാണ് ജെസ്സിയെ മിസ്സിസാഗയിലെ ഇസബെല്ല, ഷെർബോൺ സ്ട്രീറ്റിൽ വെടിയേറ്റ നിലയിൽ കണ്ടെത്തിയത്. ഗുരുതര പരുക്കുകളോടെ അവരെ ആശുപത്രിയിൽ പ്രവേശിപ്പിച്ചെങ്കിലും ജീവൻ രക്ഷിക്കാനായില്ല.
