മൺട്രിയോൾ : അമിതമായ ടിപ്പിങ് നിയന്ത്രിക്കാനൊരുങ്ങി കെബെക്ക് സർക്കാർ. പണം ലാഭിക്കാൻ ആളുകളെ സഹായിക്കുന്നതിനായുള്ള നിയമനിർമ്മാണത്തിൻ്റെ ഭാഗമായാണ് നിയന്ത്രണം. ഉപഭോക്തൃ സംരക്ഷണവുമായി ബന്ധപ്പെട്ട് മന്ത്രി സൈമൺ ജോലിൻ-ബാരെറ്റ് വ്യാഴാഴ്ച ബിൽ അവതരിപ്പിച്ചിരുന്നു.
ഇതിൽ ഗ്രോസറി സ്റ്റോറുകളിൽ ഭക്ഷണത്തിൻ്റെ വില എങ്ങനെ പ്രദർശിപ്പിക്കുന്നു എന്നതുൾപ്പെടെയുള്ള കാര്യങ്ങളെ കുറിച്ച് പരാമർശിക്കുന്നുണ്ട്. കെബെക്കിലെ പല കുടുംബങ്ങളും പണപ്പെരുപ്പം മൂലം സമ്മർദത്തിലാണെന്നും അതിനെ നിയന്ത്രിക്കാനുള്ള പരിഷ്കാരങ്ങളാണ് നടപ്പിലാക്കാൻ ഉദ്ദേശിക്കുന്നതെന്നും മന്ത്രി സൈമൺ ജോലിൻ-ബാരെറ്റ് മാധ്യമങ്ങളോട് പറഞ്ഞു. നികുതിക്ക് മുമ്പുള്ള വിലയെ അടിസ്ഥാനമാക്കി ടിപ്പ് കണക്കാക്കാൻ ബിൽ വ്യാപാരസ്ഥാപങ്ങളെ നിർബന്ധിക്കുമെന്നും അദ്ദേഹം പറഞ്ഞു.
