385 സാ​മ്പ​ത്തി​ക ത​ർ​ക്ക​ങ്ങ​ൾ രമ്യമായി പ​രി​ഹ​രി​ച്ചു; ഷാ​ർ​ജ പൊ​ലീ​സ്​ ലാ​ഭി​ച്ച​ത്​​ ര​ണ്ട്​ കോ​ടി​യി​ല​ധി​കം ദി​ർ​ഹം

ആ​റ് മാ​സ​ത്തി​നി​ടെ ഷാ​ർ​ജ​യി​ൽ സാ​മ്പ​ത്തി​ക ഇ​ട​പാ​ടു​ക​ളു​മാ​യി ബ​ന്ധ​പ്പെ​ട്ട 385 കേ​സു​ക​ൾ ഒ​ത്തു​തീ​ർ​പ്പാ​ക്കാ​ൻ ക​ഴി​ഞ്ഞ​താ​യി ഷാ​ർ​ജ പൊലീസ്. കോ​ട​തി​ക​ളി​ലേ​ക്ക്​ റ​ഫ​ർ ചെ​യ്യാ​തെ​യാ​ണ്​ കേ​സു​ക​ൾ ര​മ്യ​മാ​യി പ​രി​ഹ​രി​ച്ച​ത്. സാ​മ്പ​ത്തി​ക കേ​സു​ക​ളി​ൽ ഉ​ൾ​പ്പെ​ട്ട ഇ​ട​പാ​ടു​കാ​ർ​ക്ക്​ ഇ​തു​വ​ഴി ര​ണ്ട്​ കോ​ടി​യി​ല​ധി​കം ദി​ർ​ഹം ലാ​ഭി​ക്കാ​നാ​യ​താ​യി കോം​ബ്രി​ഹെ​ൻ​സി​വ്​ പൊ​ലീ​സ്​ സ്റ്റേ​ഷ​നു​ക​ളു​ടെ ഡ​യ​റ​ക്ട​ർ ബ്രി​ഗേ​ഡി​യ​ർ യൂ​സു​ഫ്​ ഉ​ബൈ​ദ്​ ബി​ൻ ഹ​ർ​മൂ​ൽ പ​റ​ഞ്ഞു.

‘അ​നു​ര​ഞ്ജ​ന​മാ​ണ് ഏ​റ്റ​വും ന​ല്ല മാ​ർ​ഗം’ എ​ന്ന പേ​രി​ൽ അ​വ​ത​രി​പ്പി​ച്ച സം​രം​ഭ​ത്തി​ലൂ​ടെ ത​ർ​ക്ക​ങ്ങ​ൾ നി​ല​നി​ൽ​ക്കു​ന്ന പാ​ർ​ട്ടി​ക​ൾ ത​മ്മി​ൽ സാ​മൂ​ഹി​ക​മാ​യ ബ​ന്ധ​ങ്ങ​ൾ നി​ല​നി​ർ​ത്തു​ക​യും പ​ബ്ലി​ക്​ പ്രോ​സി​ക്യൂ​ഷ​ന്​ റ​ഫ​ർ ചെ​യ്യു​ന്ന​തി​ന്​ മു​മ്പ്​ പ്ര​ശ്ന​ങ്ങ​ൾ പ​രി​ഹ​രി​ക്കാ​നു​മാ​ണ്​ ഷാ​ർ​ജ പൊ​ലീ​സ്​ ശ്ര​മി​ക്കു​ന്ന​ത്.

സൗ​ഹാ​ർ​ദ​പ​ര​മാ​യ പ​രി​ഹാ​ര​ങ്ങ​ൾ ക​ണ്ടെ​ത്തു​ന്ന​തി​ലൂ​ടെ കേ​സു​ക​ളി​ൽ ഉ​ൾ​പ്പെ​ട്ട​വ​ർ ത​മ്മി​ൽ ന​ല്ല ബ​ന്ധ​ങ്ങ​ൾ നി​ല​നി​ർ​ത്താ​ൻ ക​ഴി​യു​മെ​ന്നും ക​മ്യൂ​ണി​റ്റി അം​ഗ​ങ്ങ​ളു​ടെ പ്ര​യോ​ജ​ന​ത്തി​നാ​യി ഷാ​ർ​ജ പൊ​ലീ​സ്​ വി​വി​ധ സം​രം​ഭ​ങ്ങ​ളി​ൽ പ്ര​വ​ർ​ത്തി​ക്കു​ന്ന​താ​യും അ​ദ്ദേ​ഹം കൂ​ട്ടി​ച്ചേ​ർ​ത്തു. സ്ഥാ​പ​ന​ങ്ങ​ളു​ടെ​യും വ്യ​ക്തി​ക​ളു​ടെ​യും അ​വ​കാ​ശ​ങ്ങ​ൾ സം​ര​ക്ഷി​ക്കാ​ൻ ല​ക്ഷ്യ​മി​ട്ട്​ ആ​രം​ഭി​ച്ച ഈ ​സം​രം​ഭം 14 വ​ർ​ഷം പി​ന്നി​ടു​ക​യാ​ണ്.