മാരിടൈംസിൽ പെട്രോൾ-ഡീസൽ വില കുറഞ്ഞു

ഹാലിഫാക്സ് : മൂന്ന് മാരിടൈംസ് പ്രവിശ്യകളിലും ഒറ്റരാത്രികൊണ്ട് ഇന്ധനവില ചെറുതായി കുറഞ്ഞു.

നോവസ്കോഷ

നോവസ്കോഷയിൽ സാധാരണ പെട്രോളിന്‍റെ വില 0.9 സെൻ്റ് കുറഞ്ഞു. പ്രവിശ്യ തലസ്ഥാനമായ ഹാലിഫാക്സ് മേഖലയിൽ ലിറ്ററിന് 155.0 സെൻ്റാണ് പുതിയ വില. മറ്റൊരു പ്രധാന നഗരമായ കെയ്പ് ബ്രെറ്റണിൽ സാധാരണ പെട്രോളിന് ലിറ്ററിന് 156.9 സെൻ്റാണ് ഈടാക്കുന്നത്.

പ്രവിശ്യയിൽ ഡീസൽ വിലയിൽ മാറ്റമില്ല. ലിറ്ററിന് 167.5 സെൻ്റാണ് കുറഞ്ഞ വില. കെയ്പ് ബ്രെറ്റണിൽ ഡീസലിൻ്റെ ഏറ്റവും കുറഞ്ഞ വില ലിറ്ററിന് 169.4 സെൻ്റാണ്.

പ്രിൻസ് എഡ്വേഡ് ഐലൻഡ്

പ്രിൻസ് എഡ്വേഡ് ഐലൻഡിൽ പെട്രോൾ വിലയിൽ 1.2 സെൻ്റിന്‍റെ ഇടിവുണ്ടായി. ലിറ്ററിന് 162.6 സെൻ്റാണ് പ്രവിശ്യയിലെ പെട്രോൾ വില. എന്നാൽ, പ്രവിശ്യയിൽ ഡീസൽ വില വർധിച്ചു. 1.2 സെൻ്റ് വർധനയാണ് ഡീസൽ വിലയിൽ ഉണ്ടായിട്ടുള്ളത്. ഇതോടെ ഐലൻഡിലെ പുതിയ വില ലിറ്ററിന് 178.4 സെൻ്റായി.

ന്യൂബ്രൺസ് വിക്

ന്യൂബ്രൺസ് വിക്കിൽ, പെട്രോൾ വില ഒരു ശതമാനം കുറഞ്ഞു. ലിറ്ററിന് 159.0 സെൻ്റാണ് പുതിയ വില. അതേസമയം, ഡീസൽ വില 0.3 സെൻ്റ് കുറഞ്ഞു. നിലവിൽ ഡീസൽ ലിറ്ററിന് 172.6 സെൻ്റാണ് ഈടാക്കുന്നത്.