മാരിടൈംസിൽ ഇന്ധനവില കൂടുന്നു

ഹാലിഫാക്സ് : ഒറ്റരാത്രികൊണ്ട് മാരിടൈംസിലുടനീളം പെട്രോൾ-ഡീസൽ വില വർധിച്ചു.

നോവസ്കോഷ

നോവസ്കോഷയിൽ സാധാരണ സാധാരണ പെട്രോളിന്‍റെ വില 1.4 സെൻ്റ് വർധിച്ചു. ഹാലിഫാക്സ് മേഖലയിൽ പെട്രോളിന്‍റെ വില ലിറ്ററിന് 156.4 സെൻ്റായി ഉയർന്നു. കെയ്പ് ബ്രെറ്റണിൽ സാധാരണ പെട്രോളിന് ലിറ്ററിന് 158.3 സെൻ്റാണ് ഈടാക്കുന്നത്.

പ്രവിശ്യയിൽ ഡീസൽ വില ലിറ്ററിന് 5.8 സെൻ്റ് വർധിച്ചു. ലിറ്ററിന് 173.3 സെൻ്റാണ് പുതിയ വില. കെയ്പ് ബ്രെറ്റണിൽ ഇപ്പോൾ ഡീസൽ ലിറ്ററിന് 175.2 സെൻ്റാണ് വില.

പ്രിൻസ് എഡ്വേഡ് ഐലൻഡ്

പ്രിൻസ് എഡ്വേഡ് ഐലൻഡിൽ സാധാരണ പെട്രോളിന്‍റെ വിലയിൽ 2.9 സെൻ്റ് വർധന ഉണ്ടായി. ലിറ്ററിന് 165.5 സെൻ്റാണ് ഇപ്പോൾ കുറഞ്ഞ വില. കൂടാതെ ഡീസൽ വില നാല് സെൻ്റ് കൂടി. ഇതോടെ ദ്വീപിലെ പുതിയ ഡീസൽ വില ലിറ്ററിന് 182.4 സെൻ്റായി.

ന്യൂബ്രൺസ് വിക്

ന്യൂബ്രൺസ് വിക്കിൽ, സാധാരണ പെട്രോളിന്‍റെ വില 1.6 സെൻ്റ് വർധിച്ചു. ലിറ്ററിന് 160.6 സെൻ്റാണ് ഇപ്പോളത്തെ വില. പ്രവിശ്യയിലെ ഡീസൽ വിലയിലും മാറ്റം ഉണ്ടായി. ഡീസലിന് 5.4 സെൻ്റാണ് വർധിച്ചത്. ലിറ്ററിന് 178.0 സെൻ്റാണ് പുതിയ വില.