ഓട്ടവ : ഏറ്റവും പുതിയ എക്സ്പ്രസ് എൻട്രി പ്രൊവിൻഷ്യൽ നോമിനി പ്രോഗ്രാം (പിഎൻപി) നറുക്കെടുപ്പിൽ 174 ഉദ്യോഗാർത്ഥികൾക്ക് ഇമിഗ്രേഷൻ, റെഫ്യൂജീസ്, സിറ്റിസൺഷിപ്പ് കാനഡ (IRCC) ഇൻവിറ്റേഷൻ നൽകി. കഴിഞ്ഞ ആഴ്ച്ചത്തെ പിഎൻപി നറുക്കെടുപ്പിനെ അപേക്ഷിച്ച് 4 പോയിൻ്റ് വർധിച്ച് കോംപ്രിഹെൻസീവ് റാങ്കിംഗ് സിസ്റ്റം (CRS) കട്ട്ഓഫ് സ്കോർ 816 ആയി. പുതിയ ഇമിഗ്രേഷൻ ലെവൽ പ്ലാൻ അനുസരിച്ച് 2025 ലെ ക്വാട്ട കുറച്ചതിനാൽ ഇൻവിറ്റേഷൻ നൽകുന്ന എണ്ണം കുറഞ്ഞു.
തുടർച്ചയായി രണ്ടാം ആഴ്ചയാണ് എക്സ്പ്രസ് എൻട്രി നറുക്കെടുപ്പ് നടക്കുന്നത്. കനേഡിയൻ എക്‌സ്പീരിയൻസ് ക്ലാസ് (CEC) പ്രോഗ്രാം, PNP, ഫ്രഞ്ച് ഭാഷാ പ്രാവീണ്യമുള്ള ഉദ്യോഗാർത്ഥികൾ എന്നിങ്ങനെ കഴിഞ്ഞ ആഴ്‌ച മൊത്തം 1,933 ഉദ്യോഗാർത്ഥികൾക്ക് ഇൻവിറ്റേഷൻ നൽകിയിരുന്നു.
