ഹാലിഫാക്സ്: 2025-ൽ ഹാലിഫാക്സിൽ നിന്ന് പാരീസിലേക്കുള്ള വേനൽക്കാല സർവീസുകൾ പുനരാരംഭിക്കാനൊരുങ്ങി വെസ്റ്റ്ജെറ്റ്. മെയ് 16 മുതൽ ഒക്ടോബർ 25 വരെ നാല് പ്രതിവാര സർവീസുകൾ ഉൾപ്പെടെ 2022-ൽ നിർത്തലാക്കിയ ഹാലിഫാക്സിൽ നിന്ന് പാരീസിലേക്കുള്ള സർവീസുകളും വെസ്റ്റ്ജെറ്റ് പുനഃസ്ഥാപിക്കും. വെസ്റ്റ്‌ജെറ്റിൻ്റെ 2025 വേനൽക്കാല ഷെഡ്യൂളിൽ ഹാലിഫാക്സിൽ നിന്ന് യൂറോപ്പിലേക്കുള്ള റൂട്ടുകളും ഉൾപ്പെടുത്തിയിട്ടുണ്ട്.
പാരീസ്, എഡിൻബർഗ്, ഡബ്ലിൻ, ലണ്ടൻ എന്നിവിടങ്ങളിലേക്കും സർവീസ് ക്രമീകരിച്ചിട്ടുണ്ട്. ഹാലിഫാക്സിൽ നിന്ന് ഡബ്ലിനിലേക്കും എഡിൻബർഗിലേക്കുമുള്ള സർവീസുകൾ മെയ് പകുതിയോടെ ആരംഭിക്കും. ലണ്ടൻ വിമാന സർവീസുകൾ ഏപ്രിൽ 28 ന് ആരംഭിക്കും. വെസ്റ്റ്ജെറ്റ് വിമാന സർവീസുകൾ വർധിപ്പിക്കുന്നത് നോവസ്കോഷയിലെ വിനോദസഞ്ചാരത്തെയും ബിസ്സിനസ്സിനെയും മെച്ചപ്പെടുത്തും.
