കാൽഗറി : ലെത്ത്ബ്രിഡ്ജ്-വെസ്റ്റ് റൈഡിങിൽ ഉപതിരഞ്ഞെടുപ്പ് പ്രഖ്യാപിച്ച് ആൽബർട്ട. മുൻ എൻഡിപി എംഎൽഎ ഷാനൻ ഫിലിപ്പ് ജൂണിൽ രാജി വച്ച ഒഴിവിലേക്കാണ് തിരഞ്ഞെടുപ്പ് നടക്കുന്നത്. ഡിസംബർ 18നാണ് ഉപതിരഞ്ഞെടുപ്പ്. സെപ്തംബർ മുതൽ തന്നെ ഇരു പാർട്ടിളും സ്ഥാനാർത്ഥികളെ തീരുമാനിച്ചിരുന്നതിനാൽ ഉപതിരഞ്ഞെടുപ്പ് നടത്തണമെന്ന് പ്രതിപക്ഷ എൻഡിപി നേതാവ് നഹീദ് നെൻഷി പ്രീമിയർ ഡാനിയേൽ സ്മിത്തിനോട് അഭ്യർത്ഥിച്ചിരുന്നു.
പ്രവിശ്യയിൽ അധികാരത്തിലിരിക്കുന്ന യുണൈറ്റഡ് കൺസർവേറ്റീവ് പാർട്ടിയിയ്ക്കായി ലെത്ത്ബ്രിഡ്ജ്-വെസ്റ്റ് റൈഡിങിൽ മത്സരിക്കുന്നത് സിറ്റിംഗ് ലെത്ത്ബ്രിഡ്ജ് സിറ്റി കൗൺസിലറും മുൻ പൊലീസ് മേധാവിയുമായ ജോൺ മിഡിൽടൺ-ഹോപ്പാണ്. അതേസമയം, 2013 മുതൽ 2021 വരെ സിറ്റി കൗൺസിലിൽ സേവനമനുഷ്ഠിക്കുകയും കഴിഞ്ഞ വർഷത്തെ പ്രവിശ്യാ തിരഞ്ഞെടുപ്പിൽ മത്സരിക്കുകയും ചെയ്ത റോബ് മിയാഷിറോ എൻഡിപിയുടെ സ്ഥാനാർത്ഥിയാകും.
