കാൽഗറി: തെക്കുകിഴക്കൻ കാൽഗറിയിൽ കെട്ടിടത്തിന് തീപിടിച്ച് മൂന്ന് പേർക്ക് പരുക്കേറ്റു. ഇന്ന് ഉച്ചയോടെയാണ് മഹോഗാനി ഗാർഡൻസ് എസ് ഇ യിലെ കെട്ടിടസമുച്ചയത്തിൽ തീപിടിത്തമുണ്ടായത്. തീപിടിത്തത്തെത്തുടർന്ന് കെട്ടിടത്തിൽ നിന്ന് വൻതോതിൽ പുക ഉയരുകയും തീ സമീപപ്രദേശങ്ങളിലേക്ക് വ്യാപിക്കുകയും ചെയ്തു. ഉടൻ അഗ്നിശമന സേന സ്ഥലത്തെത്തി തീ നിയന്ത്രണ വിധേയമാക്കി. തീപിടിത്തത്തിൽ പരുക്കേറ്റവരെ ആശുപത്രിയിൽ പ്രവേശിപ്പിച്ചു.
പ്രദേശത്തെ വീടുകളിൽ നിന്നും ആളുകളെ ഒഴിപ്പിച്ചിട്ടുണ്ട്. മഹോഗാനി ബൊളിവാർഡ്, മറൈൻ ഡ്രൈവ് എന്നീ രണ്ട് ദിശകളിൽ നിന്നും മഹോഗാനി ഗാർഡൻസിലേക്കുള്ള പ്രവേശനം നിരോധിച്ചിട്ടുണ്ട്. പ്രദേശത്ത് ഗതാഗതനിയന്ത്രണവും ഏർപ്പെടുത്തിയിട്ടുണ്ട്. തീപിടിത്തത്തിന്റെ കാരണം വ്യക്തമല്ല. അന്വേഷണം പുരോഗമിക്കുകയാണ്.
