ഓട്ടവ : നവംബർ 20-ന് നടന്ന ഏറ്റവും പുതിയ ബിസി പിഎൻപി നറുക്കെടുപ്പിൽ സ്ഥിരതാമസത്തിന് (പിആർ) അപേക്ഷിക്കാൻ (ഐടിഎ) 15 അപേക്ഷകർക്ക് ഇൻവിറ്റേഷൻ നൽകി. മുൻ ബിസി പിഎൻപി ടെക് നറുക്കെടുപ്പുമായി താരതമ്യപ്പെടുത്തുമ്പോൾ ഈ നറുക്കെടുപ്പിൽ കട്ട്ഓഫ് സ്‌കോർ 13 പോയിൻ്റ് വർധിച്ചു.
35 സാങ്കേതിക തൊഴിലുകൾ ഉൾപ്പെടെ BC PNP സ്കിൽഡ് വർക്കർ, ഇൻ്റർനാഷണൽ ഗ്രാജുവേറ്റ് സ്ട്രീമുകൾക്ക് കീഴിൽ നടന്ന പൊതു BC PNP നറുക്കെടുപ്പിൽ 4 ഉദ്യോഗാർത്ഥികൾക്ക് ഇൻവിറ്റേഷൻ നൽകി. കൂടാതെ, 3 ചൈൽഡ്ഹുഡ് എഡ്യൂക്കേറ്റഴ്സ് ആൻഡ് അസിസ്റ്റൻസുമാർ, ഇൻസ്ട്രക്ടർമാർ (NOC 42202) എന്നിവർക്കും പുതിയ നറുക്കെടുപ്പിലൂടെ ഇൻവിറ്റേഷൻ നൽകിയതായി ഐആർസിസി അറിയിച്ചു. ഇതോടൊപ്പം 2023-ൻ്റെ അവസാനത്തിൽ ബ്രിട്ടിഷ് കൊളംബിയ അവതരിപ്പിച്ച പുതിയ കാറ്റഗറി അധിഷ്ഠിത നറുക്കെടുപ്പിൽ നിർമ്മാണ മേഖലയുമായി ബന്ധപ്പെട്ട തൊഴിലുകളിൽ പരിചയമുള്ള 4 അപേക്ഷകർക്കും ഇൻവിറ്റേഷൻ ലഭിച്ചു. ആരോഗ്യ സംരക്ഷണവുമായി ബന്ധപ്പെട്ട 39 തൊഴിലുകളിൽ അനുഭവപരിചയമുള്ള 4 ഉദ്യോഗാർത്ഥികൾക്കും സ്ഥിര താമസത്തിന് അപേക്ഷിക്കാൻ ഇൻവിറ്റേഷൻ നൽകി.
