ഓട്ടവ : കാനഡയിലുടനീളമുള്ള തപാൽ വിതരണം തടസ്സപ്പെടുത്തിയ കാനഡ പോസ്റ്റ് ജീവനക്കാരുടെ പണിമുടക്കിനെ തുടർന്ന് അവധിക്കാല യാത്രാ സീസണിന് മുന്നോടിയായി പാസ്‌പോർട്ടുകൾ വിതരണം അവതാളത്തിൽ. കാനഡ പോസ്റ്റ് ജീവനക്കാരുടെ സമര സാധ്യത മുൻകൂട്ടി നവംബർ 8 ന് ശേഷം പാസ്‌പോർട്ട് പാക്കേജുകൾ മെയിൽ ചെയ്യുന്നത് സർവീസ് കാനഡ താൽക്കാലികമായി നിർത്തിയിരുന്നു.
വേതനം, തൊഴിൽ സാഹചര്യങ്ങൾ, മറ്റ് പ്രശ്നങ്ങൾ എന്നിവയുമായി ബന്ധപ്പെട്ട് നവംബർ 15 മുതൽ കാനഡ പോസ്റ്റ് ജീവനക്കാർ പണിമുടക്കിലാണ്, തപാൽ വിതരണം നിർത്തിവച്ചു. പിക്കപ്പ് സേവനത്തിന് പണം നൽകാത്ത അല്ലെങ്കിൽ ഇതിനകം അപേക്ഷകൾ മെയിൽ ചെയ്ത പാസ്‌പോർട്ട് അപേക്ഷകർക്ക് അവരുടെ രേഖകൾ ലഭിക്കുന്നതിന് കാലതാമസം നേരിടുമെന്ന് സർവീസ് കാനഡ അറിയിച്ചു. നവംബർ 19, വരെ, അച്ചടിച്ചതും മെയിൽ ചെയ്യാൻ തയ്യാറായതുമായ ഏകദേശം 85,000 പാസ്‌പോർട്ടുകൾ സർവീസ് കാനഡയുടെ കൈവശമുണ്ട്. പണിമുടക്ക് അവസാനിച്ച് പതിവ് തപാൽ വിതരണം പുനരാരംഭിച്ചാൽ മാത്രമേ ആ പാസ്‌പോർട്ടുകൾ വിതരണം ചെയ്യാൻ സാധിക്കൂ എന്നും സർവീസ് കാനഡ അറിയിച്ചു. പാസ്‌പോർട്ട് അപേക്ഷ സമർപ്പിക്കുകയും അവധി ദിവസങ്ങൾക്ക് മുമ്പായി പാസ്‌പോർട്ടിൻ്റെ അടിയന്തര ആവശ്യമുണ്ടെങ്കിൽ, 1-800-567-6868 എന്ന നമ്പറിൽ സർവീസ് കാനഡയുമായി ബന്ധപ്പെടണം.
