കിച്ചനർ : കിച്ചനറിനും വാട്ടർലൂവിനും ഇടയിൽ കിംഗ് സ്ട്രീറ്റ് വെസ്റ്റിൽ കൂട്ടിയിടി നടന്നതിനെത്തുടർന്ന് ION ട്രെയിൻ സർവീസ് തടസപ്പെട്ടു. ഇന്ന് രാവിലെ 9:40 ഓടെ എൽആർടിയും മറ്റൊരു വാഹനവും തമ്മിൽ കൂട്ടിയിടിക്കുകയായിരുന്നുവെന്ന് പൊലീസ് പറയുന്നു. ആർക്കും പരുക്കുകൾ റിപ്പോർട്ട് ചെയ്തിട്ടില്ല. അറ്റകുറ്റപ്പണികൾക്കായി ആൻഡ്രൂ സ്ട്രീറ്റിലെ കിംഗ് സ്ട്രീറ്റ് മണിക്കൂറുകളോളം അടച്ചിട്ടിരിക്കുകയാണ്.
തകർച്ചയും അടച്ചുപൂട്ടലും കാരണം വാട്ടർലൂ പബ്ലിക് സ്ക്വയറിനും കിച്ചനർ മാർക്കറ്റ് സ്റ്റേഷനും ഇടയിൽ ION ട്രെയിൻ സർവീസ് നിർത്തിവച്ചതായി ഗ്രാൻഡ് റിവർ ട്രാൻസിറ്റ് അറിയിച്ചു. മറ്റിടങ്ങളിൽ സർവീസ് ഒറ്റ ട്രാക്കിലേക്ക് ചുരുക്കി. അന്വേഷണം പുരോഗമിക്കുന്നു.
