ഓട്ടവ : കാനഡയില്‍ ഏറ്റവും താമസയോഗ്യമായ നഗരങ്ങളുടെ പട്ടികയില്‍ ഏറ്റവും മികച്ച നഗരം നോര്‍ത്ത് വന്‍കൂവർ.പട്ടികയിൽ മുന്നിട്ടുനിൽക്കുന്നത് ബ്രിട്ടിഷ് കൊളംബിയയിലെ നഗരങ്ങളാണ്. വെസ്റ്റ് വന്‍കൂവറാണ് രണ്ടാം സ്ഥാനത്ത്.വിക്ടോറിയ(മൂന്നാം സ്ഥാനം), പിറ്റ് മെഡോസ്(എട്ടാം സ്ഥാനം), പെന്റിക്ടണ്‍(ഒന്‍പതാം സ്ഥാനം) എന്നിങ്ങനെയാണ് പട്ടികയില്‍ ഇടംപിടിച്ചിരിക്കുന്ന ബ്രിട്ടിഷ് കൊളംബിയയിലെ മറ്റ് നഗരങ്ങള്‍.ആൽബർട്ടയിലെ കാല്‍ഗറിയാണ് ഏഴാം സ്ഥാനത്ത്.
അതേസമയം വന്‍കൂവര്‍ പന്ത്രണ്ടാം സ്ഥാനത്തും ടൊറന്റോ പട്ടികയിൽ എൺപ്പത്തിരണ്ടാം സ്ഥാനത്തുമാണ്.ഈ വര്‍ഷത്തെ പട്ടികയില്‍ മൺട്രിയോളിനെ പരാമര്‍ശിച്ചിട്ടില്ല.കാനഡയിലുടനീളമുള്ള 448 കമ്മ്യൂണിറ്റികളിൽ നടത്തിയ പഠനത്തിന്റെ അടിസ്ഥാനത്തിൽ പട്ടിക തയാറാക്കിയത്.
സമ്പദ്‌വ്യവസ്ഥ, പാര്‍പ്പിടം, ജനസംഖ്യ, ആരോഗ്യ സംരക്ഷണം, സുരക്ഷ, വിദ്യാഭ്യാസം, കമ്മ്യൂണിറ്റി, അടിസ്ഥാന സൗകര്യങ്ങള്‍, ഗതാഗതം, കാലാവസ്ഥ എന്നിങ്ങനെ നിരവധി ഘടകങ്ങള്‍ പരിഗണിച്ചാണ് പട്ടിക തയാറാക്കിയിരിക്കുന്നത്.
