ഓട്ടവ : വാനിയര്‍ എംപി മോണ ഫോര്‍ട്ടിയറിനെ ഗവണ്‍മെന്റ ചീഫ് വിപ്പായി നിയമിച്ചു, പ്രധാനമന്ത്രി ജസ്റ്റിന്‍ ട്രൂഡോയുടെ മന്ത്രിസഭയിലെ പ്രധാന പുനഃസംഘടനയിലെ ഏറ്റവും പുതിയ നിയമനമാണിത്. ശനിയാഴ്ചയാണ് പ്രധാനമന്ത്രിയുടെ ഓഫീസ് ഇക്കാര്യം അറിയിച്ചത്. പുതിയ കാബിനറ്റില്‍ ജനാധിപത്യ സ്ഥാപനങ്ങളുടെ മന്ത്രിയായും സതേണ്‍ ഒന്റാറിയോയ്ക്കുള്ള ഫെഡറല്‍ ഇക്കണോമിക് ഡെവലപ്മെന്റ് ഏജന്‍സിയുടെ ചുമതലയുള്ള മന്ത്രിയായി നിയമിതനായ റൂബി സഹോട്ടയ്ക്ക് പകരമാണ് ഫോര്‍ട്ടിയറിന്റെ നിയമനം. കോക്കസ് വോട്ടിനായി തയ്യാറാണെന്ന് ഉറപ്പാക്കുകയുമാണ് വിപ്പിന്റെ അധികാര ചുമതലകള്‍.
2017-ലാണ് ഫോര്‍ട്ടിയര്‍ ആദ്യമായി തിരഞ്ഞെടുപ്പില്‍ മത്സരിക്കുന്നത്.തുടര്‍ന്ന് നിരവധി കാബിനറ്റ് സ്ഥാനങ്ങളിലും സേവനമനുഷ്ഠിച്ചു. ട്രഷറി ബോര്‍ഡ് പ്രസിഡന്റായും മധ്യവര്‍ഗ അഭിവൃദ്ധിയുടെ മന്ത്രിയായും ധനകാര്യ സഹമന്ത്രിയായും സേവനമനുഷ്ഠിച്ചിട്ടുണ്ട്. ജനുവരി മുതല്‍ അവര്‍ ഡെപ്യൂട്ടി വിപ്പായി സേവനമനുഷ്ഠിച്ചു വരികയായിരുന്നു.
