ഹാലിഫാക്സ് : പുതുവർഷത്തിൽ മാരിടൈംസ് പ്രവിശ്യകളായ നോവസ്കോഷ, ന്യൂബ്രൺസ്വിക്, പ്രിൻസ് എഡ്വേഡ് ഐലൻഡ് എന്നിവിടങ്ങളിൽ പെട്രോൾ-ഡീസൽ വില ഒറ്റരാത്രികൊണ്ട് വർധിച്ചു.
നോവസ്കോഷ
നോവസ്കോഷയിൽ സാധാരണ പെട്രോളിന്‍റെ വില 5.6 സെൻ്റ് വർധിച്ചു. നിലവിൽ ലിറ്ററിന് 159.7 സെൻ്റാണ് പ്രവിശ്യ തലസ്ഥാനമായ ഹാലിഫാക്സ് മേഖലയിലെ പുതിയ വില. പ്രവിശ്യയിൽ ഡീസൽ വില 5.1 സെൻ്റ് വർധിച്ച് ലിറ്ററിന് 181.1 സെൻ്റായി. പ്രവിശ്യയിലെ മറ്റൊരു പ്രധാന നഗരമായ കെയ്പ് ബ്രെറ്റണിൽ സാധാരണ പെട്രോളിന് ലിറ്ററിന് 161.6 സെൻ്റും ഡീസലിന് ലിറ്ററിന് 183.1 സെൻ്റുമാണ് ഈടാക്കുന്നത്.
പ്രിൻസ് എഡ്വേഡ് ഐലൻഡ്
പ്രവിശ്യയിൽ സാധാരണ പെട്രോളിന്‍റെ വില ഒറ്റരാത്രികൊണ്ട് 1.1 സെൻ്റ് വർധിച്ച് ലിറ്ററിന് 164.3 സെൻ്റായി. ദ്വീപിൽ ഡീസൽ വില 2.9 സെൻ്റ് കൂടി. ലിറ്ററിന് 188.7 സെൻ്റാണ് ഇപ്പോളത്തെ വില.
ന്യൂബ്രൺസ്വിക്
ന്യൂബ്രൺസ്വിക്കിൽ പെട്രോളിന്‍റെ വില 1.3 സെൻ്റ് ഉയർന്ന് ലിറ്ററിന് 160.3 സെൻ്റായി. ഒപ്പം പ്രവിശ്യയിലെ ഡീസൽ വില 2.4 സെൻ്റ് കൂടി ലിറ്ററിന് 182.2 സെൻ്റും ആയി.
