ഓട്ടവ: പുതിയ ഹോം കെയര്‍ വര്‍ക്കര്‍ ഇമിഗ്രേഷന്‍ പൈലറ്റ് പ്രോഗ്രാം 2025 മാര്‍ച്ച് 31-ന് ആരംഭിക്കും. ഇതിന്റ കൂടുതല്‍ വിശദാംശങ്ങള്‍ ഉടന്‍ നല്‍കുമെന്ന് IRCC വെബ്‌സൈറ്റില്‍ പറയുന്നു.
ഹോം ചൈല്‍ഡ് കെയര്‍ പ്രൊവൈഡര്‍ പൈലറ്റ്, ഹോം സപ്പോര്‍ട്ട് വര്‍ക്കര്‍ പൈലറ്റ് എന്നീ പ്രോഗ്രാമുകളിലൂടെയാണ് യോഗ്യരായ കെയര്‍ഗീവര്‍മാര്‍ക്കും കുടുംബത്തിനും കാനഡയില്‍ സ്ഥിരതാമസമാക്കാന്‍ അവസരമൊരുങ്ങുന്നത്. 5വര്‍ഷ കാലാവധിയിലാണ് പ്രോഗ്രാമുകള്‍ നടക്കുക. പ്രവൃത്തി പരിചയത്തിന്റെ അടിസ്ഥാനത്തില്‍ അപേക്ഷാ പ്രക്രിയ വ്യത്യാസപ്പെട്ടിരുന്നു. യോഗ്യതാ, തൊഴില്‍ പരിചയം എന്നതിനര്‍ത്ഥം നിങ്ങള്‍ ഈ NOC കോഡ് വരുന്ന ജോലികളില്‍ ഒന്നില്‍ മുഴുവന്‍ സമയ ജോലി ചെയ്തിരുന്നു എന്നാണ്.
ഹോം ചൈല്‍ഡ് കെയര്‍ പ്രൊവൈഡര്‍ പൈലറ്റ് (HCCP) – (NOC 44100)
2021-ല്‍ ആരംഭിച്ച ഒരു കാനഡാ ഇഗ്രേഷന്‍ പ്രോഗ്രാമാണ്. ഈ പ്രോഗ്രാമിന്റെ ലക്ഷ്യം കുട്ടികള്‍ക്ക് വീട്ടില്‍ സംരക്ഷണം നല്‍കുന്ന വിദേശ തൊഴിലാളികള്‍ക്ക് കാനഡയില്‍ സ്ഥിരതായ താമസം നേടാനുള്ള അവസരം നല്‍കുകയാണ്.
നിങ്ങളുടെ സ്വന്തം വീട്ടിലോ, തൊഴിലുടമയുടെ സ്വകാര്യ വീട്ടിലോ കുട്ടികളെ പരിചരിക്കുന്നത്. ഡേകെയര്‍ പോലുള്ള ഒരു സ്ഥാപനത്തിലെ ജോലിയാകരുത്.ഇതിന് യോഗ്യത നേടുന്നതിന് ഉദ്യോഗാര്‍ത്ഥി തൊഴിലുടമയുടെ വീട്ടില്‍ താമസിച്ച് ജോലി ചെയ്യേണ്ടതില്ല.
ഹോം സപ്പോര്‍ട്ട് വര്‍കര്‍ പൈലറ്റ് (H SW P) – (NOC 44101)
ഹോം സപ്പോര്‍ട്ട് വര്‍കര്‍ പൈലറ്റ് (HSWP) – കാനഡയിലെ മുതിര്‍ന്നവര്‍ക്കും, ശാരീരിക, മാനസിക അസുഖങ്ങളുള്ളവര്‍ക്കും വീട്ടില്‍ പരിപാലന സേവനങ്ങള്‍ നല്‍കുന്ന വിദേശ തൊഴിലാളികള്‍ക്ക് സ്ഥിര താമസം നേടാനുള്ള അവസരമാണ്.
നിങ്ങളുടെ തൊഴിലുടമയുടെ വീട്ടില്‍ ഒരു ഹോം സപ്പോര്‍ട്ട് വര്‍ക്കറുടെ സഹായം ആവശ്യമുള്ള ഒരാളെ നിങ്ങള്‍ പരിചരിക്കുന്നത്. ഉദാ: പ്രായമായവര്‍, രോഗ ബാധിതരായിട്ടുള്ളവര്‍ എന്നിവരെ പരിചരിക്കുന്നതിന്. തൊഴിലുടമടുടെ വീട്ടില്‍ സ്ഥിരതാമസമാക്കി ജോലി ചെയ്യണമെന്ന നിബന്ധനയും ഇല്ല. അതേസമയം ജോലി ചെയ്യുന്നത് നഴ്‌സിംഗ് ഹോം പോലുള്ള സ്ഥാപനത്തിലാകരുത്.
2021 ല്‍ ആരംഭിച്ച ഹോം കെയര്‍ വര്‍ക്കര്‍ ഇമിഗ്രേഷന്‍ പൈലറ്റ് പ്രോഗ്രാം 2024 ജൂണ്‍ 17 ന് അവസാനിപ്പിച്ചിരുന്നു. ഈ പ്രോഗ്രാമാണ് മാര്‍ച്ച് അവസാനത്തോടെ വീണ്ടും ആരംഭിക്കുന്നത്.
