വൻകൂവർ: അഞ്ച് വലിയ വാഹനാപകടങ്ങളെ തുടർന്ന് പട്ടുല്ലോ പാലം അടച്ചു. സറേയെ ന്യൂ വെസ്റ്റ്മിൻസ്റ്ററുമായി ബന്ധിപ്പിക്കുന്ന പാലമാണ് പട്ടുല്ലോ പാലം. രാവിലെ 8:30 ഓടെ ഒരു ബസ് ഉൾപ്പടെ അപകടത്തിൽ പെട്ടതിനെ തുടർന്നാണ് പാലം അടച്ചത്. അപകടത്തിൽ ആളുകളെ രക്ഷിക്കാൻ ശ്രമിക്കുന്നതിനിടയിൽ ഒരു വനിതാ ഡ്രൈവർ സംഭവസ്ഥലത്ത് വെച്ച് തന്നെ മരണപ്പെട്ടു.
അപകടത്തിൽ മറ്റ് ഡ്രൈവർമാർക്കും യാത്രക്കാർക്കും പരുക്കേറ്റിട്ടുണ്ട്. എന്നാൽ, അവ ഗുരുതരമല്ല. അപകടകാരണം ഇതുവരെ വ്യക്തമല്ല. പാലം അടച്ചിട്ടിരിക്കുന്നതിനാൽ ഗതാഗതം വഴിതിരിച്ച് വിടുകയാണ്.
അതേസമയം, ഫ്രേസർ നദി മുറിച്ചുകടക്കുന്നതിന് ബദൽ റൂട്ടുകളായി അലക്‌സ് ഫ്രേസർ പാലം, പോർട്ട് മാൻ പാലം അല്ലെങ്കിൽ മാസി ടണൽ എന്നിവ ഉപയോഗിക്കാനും നിർദ്ദേശമുണ്ട്.
