ടൊറൻ്റോ : എറ്റോബിക്കോയിലെ ഹൈവേ 427-ൻ്റെ നോർത്ത്ബൗണ്ട് റോഡുകൾ വാഹനാപകടത്തെ തുടർന്ന് അടച്ചു. ഉച്ചക്ക് ഒരു മണിയോടെ ഫിഞ്ച് അവന്യൂ വെസ്റ്റിനടുത്തുള്ള ഹൈവേയുടെ നോർത്ത്ബൗണ്ട് റോഡിൽ നാല് വാഹനങ്ങൾ കൂട്ടിയിടിച്ചാണ് അപകടം. സംഭവത്തിൽ രണ്ടുപേർക്ക് പരുക്കേറ്റു. ഈ അപകടത്തിന് പിന്നാലെ ഈ റോഡിൽ മറ്റൊരു വാഹനാപകടം കൂടി ഉണ്ടായതായി ഒൻ്റാരിയോ പ്രൊവിൻഷ്യൽ പൊലീസ് അറിയിച്ചു.
അപകടത്തിൽ നിന്ന് നിരവധി വാഹനങ്ങൾക്ക് കനത്ത കേടുപാടുകൾ സംഭവിച്ചിട്ടുണ്ട്‌. രണ്ടാമത്തെ അപകടത്തിൽ ആളുകൾക്ക് പരുക്കേറ്റതായി പൊലീസ് പറയുന്നു. എന്നാൽ എത്ര പേർക്ക് പരുക്കേറ്റിട്ടുണ്ടെന്ന് വ്യക്തമല്ല. അന്വേഷണം തുടരുന്നു.
