കാൽഗറി : ആൽബർട്ട ജാസ്പർ നാഷണൽ പാർക്കിലെ ഫ്രണ്ട്കൺട്രി ക്യാമ്പിങ്ങിനായുള്ള രജിസ്ട്രേഷൻ ആരംഭിച്ചതായി പാർക്സ് കാനഡ. ഇന്ന് മുതൽ റിസർവേഷനുകൾ ബുക്ക് ചെയ്യാമെന്നും ആദ്യം വരുന്നവർക്ക് ആദ്യം എന്ന അടിസ്ഥാനത്തിലായിരിക്കും രജിസ്‌ട്രേഷനെന്നും അധികൃതർ അറിയിച്ചു.
കഴിഞ്ഞ വർഷമുണ്ടായ കാട്ടുതീയിൽ ചില ക്യാമ്പ് ഗ്രൗണ്ടുകളിലെയും പരിസരങ്ങളിലെയും ഭൂപ്രകൃതി മാറിയിട്ടുണ്ടെന്നും മരങ്ങൾ കുറവായതിനാൽ ചൂടിൽ നിന്നും സംരക്ഷണത്തിനായി പൊതുജനങ്ങൾ ശ്രദ്ധിക്കണമെന്നും പാർക്സ് കാനഡ വക്താവ് നിർദ്ദേശിച്ചു. മഴ, മഞ്ഞ്, കാറ്റ് എന്നിവ പ്രതികൂല സാഹചര്യങ്ങൾ സൃഷ്ടിച്ചേക്കാമെന്നതിനാൽ, ആളുകൾ ബോധവാന്മാരായിരിക്കണമെന്ന് പാർക്ക്സ് കാനഡ മുന്നറിയിപ്പ് നൽകി. അതേസമയം അസ്റ്റോറിയയും വബാസോ തടാകവും ഉൾപ്പെടെയുള്ള ചില ട്രയൽഹെഡുകൾ സുരക്ഷാ പരിശോധനയിലാണ്.
