ടൊറൻ്റോ : വീണ്ടും തിരഞ്ഞെടുക്കപ്പെട്ടാൽ ഒൻ്റാരിയോയുടെ ഇലക്ട്രിക് വാഹന മേഖലയെ പിന്തുണയ്ക്കുമെന്ന് പ്രോഗ്രസ്സീവ് കൺസർവേറ്റിവ് ലീഡർ ഡഗ് ഫോർഡ്. യുഎസ് പ്രസിഡൻ്റ് ഡോണാൾഡ് ട്രംപിൽ നിന്നുള്ള താരിഫ് ഭീഷണിയുടെ പശ്ചാത്തലത്തിലാണ് പ്രഖ്യാപനം.
2023-ൽ ഫെഡറൽ സർക്കാരുമായി ഓട്ടോ കരാർ ഉണ്ടാക്കുന്നതിന് ഫോർഡ് സർക്കാർ മുൻപ് സമ്മതിച്ചിരുന്നു. ഫോക്‌സ്‌ വാഗൺ, സ്റ്റെല്ലാൻ്റിസ്, എൽജി എനർജി സൊല്യൂഷൻ എന്നിവയ്ക്കാവശ്യമായ ഇവി ബാറ്ററി പ്ലാൻ്റുകളുടെ ഉല്പാദന ഇൻസെൻ്റീവുകളുടെ മൂന്നിലൊന്ന് നൽകുന്നതടക്കം ഇതിൽ ഉൾപ്പെടുന്നു. അതേസമയം, ഈ നീക്കം മുൻ യുഎസ് പ്രസിഡൻ്റ് ജോ ബൈഡൻ്റെ ഇൻഫ്‌ളേഷൻ റിഡക്ഷൻ ആക്ടുമായി മത്സരിക്കാൻ ലക്ഷ്യമിട്ടുള്ളതായിരുന്നു. ഇത് കൃത്യതയോടെ നടത്തുന്ന വാഹന വാങ്ങലുകൾക്ക് ടാക്സ് ക്രെഡിറ്റുകൾ വാഗ്ദാനം ചെയ്യുന്നു.
2030-ഓടെ 4 ലക്ഷം ഇലക്ട്രിക്, ഹൈബ്രിഡ് വാഹനങ്ങൾ നിർമ്മിക്കാൻ ലക്ഷ്യമിടുന്ന ഒൻ്റാരിയോയുടെ ‘ഡ്രൈവിങ് പ്രോസ്പിരിറ്റി’ പദ്ധതിയുടെ രണ്ടാം ഘട്ട പ്രഖ്യാപനവും ഡഗ് ഫോർഡ് നടത്തി. ഇലക്ട്രിക് വാഹന മേഖലയോടുള്ള ഫോർഡിൻ്റെ പ്രതിബദ്ധതയടക്കം ഫെബ്രുവരി 27-ന് നടക്കാനിരിക്കുന്ന തിരഞ്ഞെടുപ്പിൽ ഒരു പ്രധാന വിഷയമായേക്കും.
