ലിബറൽ നേതൃമത്സരം: സംവാദങ്ങൾക്കുള്ള തീയതി പ്രഖ്യാപിച്ചു

ഓട്ടവ : ലിബറൽ നേതൃമത്സര സംവാദങ്ങൾക്കുള്ള തീയതികൾ പ്രഖ്യാപിച്ചു. ഫെബ്രുവരി 24-ന് ഫ്രഞ്ചിലും ഫെബ്രുവരി 25-ന് ഇംഗ്ലീഷിലുമായി രണ്ടു സംവാദങ്ങളാണ് നടക്കുക. സംവാദങ്ങളുടെ ഘടനയെക്കുറിച്ചുള്ള വിശദാംശങ്ങൾ പ്രഖ്യാപിച്ചിട്ടില്ല.

ലിബറൽ പാർട്ടി ലീഡറും പ്രധാനമന്ത്രിയുമായ ജസ്റ്റിൻ ട്രൂഡോയുടെ പിൻഗാമിയെ മാർച്ച് ഒമ്പതിന് തിരഞ്ഞെടുക്കും. വോട്ടെടുപ്പിന് രണ്ടാഴ്ച്ച മാത്രം ശേഷിക്കെയാണ് സംവാദങ്ങൾ നടക്കാൻ പോകുന്നത്. ജസ്റ്റിൻ ട്രൂഡോ കഴിഞ്ഞ മാസം പ്രധാനമന്ത്രി സ്ഥാനവും ലിബറൽ പാർട്ടി നേതൃ സ്ഥാനവും രാജി വെച്ചിരുന്നു.