മിസ്സിസാഗ : ഈ വർഷം ആദ്യം മിസ്സിസാഗയിൽ ഒരാൾ ആക്രമിക്കപ്പെട്ട സംഭവത്തിൽ പ്രതിയെ അറസ്റ്റ് ചെയ്തു. ജനുവരി മൂന്നിന് രാത്രി ഒമ്പത് മണിയോടെ വെസ്റ്റ് വുഡ് മാളിൽ നടന്ന ആക്രമണത്തിൽ ആന്‍റണി വെൽക്കം (39) എന്ന യുവാവിനെയാണ് പൊലീസ് പിടികൂടിയത്.
വിവരം ലഭിച്ചതനുസരിച്ച് സംഭവസ്ഥലത്ത് എത്തിയ അന്വേഷണ ഉദ്യോഗസ്ഥർ കത്തി കൊണ്ട് മുഖത്ത് ഗുരുതരമായി പരുക്കേറ്റ നിലയിൽ 40 വയസ്സുകാരനെ കണ്ടെത്തി. തുടർന്ന് നടന്ന അന്വേഷണത്തിൽ ഫെബ്രുവരി 7-നാണ് പ്രതിയായ ആന്‍റണി വെൽക്കമിനെ അന്വേഷണ ഉദ്യോഗസ്ഥർ ഗുരുതരമായ ആക്രമണം നടത്തിയതിന് അറസ്റ്റ് ചെയ്തത്.
