മൺട്രിയോൾ : കനത്ത മഞ്ഞുവീഴ്ചയെ തുടർന്ന് ഫെബ്രുവരി 17-ന് താൽക്കാലികമായി നിർത്തിവച്ച മാലിന്യം ശേഖരിക്കൽ ഇന്ന് മുതൽ പുനഃരാരംഭിച്ചതായി മൺട്രിയോൾ സിറ്റി അറിയിച്ചു. കഴിഞ്ഞ രണ്ടാഴ്ചയ്ക്കിടെ ഉണ്ടായ രണ്ട് വലിയ മഞ്ഞുവീഴ്ചയ്ക്ക് ശേഷം നഗരത്തിലെ ഏകദേശം 56% മഞ്ഞും നീക്കം ചെയ്തിട്ടുണ്ട്. നഗരത്തിലെ ഓരോ പ്രദേശത്തും മഞ്ഞ് നീക്കം ചെയ്യുന്നതിൽ പുരോഗതി കൈവരിച്ചിട്ടുണ്ട്. L’Île-Bizard-Sainte-Geneviève-ൽ 66% മഞ്ഞ് നീക്കം ചെയ്തു. പിയർഫോണ്ട്സ്-റോക്സ്ബോറോ 75 ശതമാനത്തിൽ; 74 ശതമാനത്തിൽ ലാച്ചിൻ; സെൻ്റ് ലിയോനാർഡ് 66 ശതമാനവും അഞ്ജൗ 70 ശതമാനവും Ahuntsic-Cartierville 44 ശതമാനവും Côte-des-Neiges-NDG 55 ശതമാനവും വില്ലെ-മാരി 51 ശതമാനവും മഞ്ഞ് നീക്കം ചെയ്തതായി സിറ്റി അധികൃതർ അറിയിച്ചു.
തിങ്കളാഴ്ച രാവിലെ കാറ്റിന് 30 ശതമാനം സാധ്യതയുണ്ട്. തുടർന്ന് മഴയ്ക്കും കാറ്റിനും സാധ്യത ഉള്ളതായി കാലാവസ്ഥാ ഏജൻസി പ്രവചിക്കുന്നു. ഉയർന്ന താപനില 3 ഡിഗ്രി സെൽഷ്യസിൽ എത്തുമെങ്കിലും കാറ്റ് കാരണം തണുപ്പ് മൈനസ് 9 ഡിഗ്രി സെൽഷ്യസായി അനുഭവപ്പെടും. ചൊവ്വാഴ്ച, രാവിലെ മഴയ്ക്ക് 40% സാധ്യതയുള്ള മേഘാവൃതമായ അവസ്ഥ പ്രതീക്ഷിക്കുന്നു. താപനില ഏകദേശം 5 ഡിഗ്രി സെൽഷ്യസായിരിക്കും. ബുധനാഴ്‌ച, പകൽ താപനില 3 ഡിഗ്രി സെൽഷ്യസും രാത്രിയിൽ മഞ്ഞുവീഴ്ചയും കുറഞ്ഞ താപനില മൈനസ് 2 ഡിഗ്രി സെൽഷ്യസും ആയിരിക്കും. വ്യാഴാഴ്‌ച, ഉയർന്ന താപനില 5 ഡിഗ്രി സെൽഷ്യസിനൊപ്പം മഞ്ഞും മഴയും പ്രതീക്ഷിക്കുന്നു. എന്നാൽ, രാത്രിയിൽ തണുപ്പ് മൈനസ് 6 ഡിഗ്രി സെൽഷ്യസായി അനുഭവപ്പെടും. വെള്ളിയാഴ്‌ച പകൽ താപനില മൈനസ് മൂന്ന് ഡിഗ്രി സെൽഷ്യസും രാത്രി മൈനസ് 10 ഡിഗ്രി സെൽഷ്യസും പ്രതീക്ഷിക്കാം. ശനിയാഴ്‌ച, മൈനസ് 2 ഡിഗ്രി സെൽഷ്യസായിരിക്കും പകൽസമയത്തെ താപനില. എന്നാൽ രാത്രിയിൽ മഞ്ഞുവീഴ്ചയ്ക്ക് ഒപ്പം താപനില മൈനസ് 12 ഡിഗ്രി സെൽഷ്യസിലേക്ക് താഴും.
