കാൽഗറി : നഗരത്തിലെ ലിവിങ്സ്റ്റൺ നോർത്ത് വെസ്റ്റ് കമ്മ്യൂണിറ്റിയിൽ നിന്ന് മലയാളി യുവാവിനെ കാണാതായി. 39 വയസ്സുള്ള ഫിന്റോ ആന്റണി പുതുശ്ശേരിയെയാണ് കാണാതായത്. ഇയാൾ ലൂക്കാസ് ക്ലോസ് നോർത്ത് വെസ്റ്റിലെ 100 ബ്ലോക്കിലെ വീട്ടിൽ താമസിച്ചു വരികയായിരുന്നു. ഏപ്രിൽ 5 ശനിയാഴ്ച വൈകിട്ട് 5 മണിക്ക് പുറത്തു പോയതിനു ശേഷം തിരികെ വന്നില്ലെന്ന് പൊലീസ് പറയുന്നു.
177 സെന്റിമീറ്റർ ഉയരവും ഏകദേശം 68 കിലോഗ്രാം ഭാരവുമുള്ള ഫിന്റോയ്ക്ക്, കറുത്ത മുടിയും കടും തവിട്ടുനിറമുള്ള കണ്ണുകളുമാണ്. അവസാനമായിക്കാണുമ്പോൾ ചാര-ഓറഞ്ച് നിറങ്ങളിലുള്ള ലോഗോയോടുകൂടിയ ഒരു കറുത്ത ടീ-ഷർട്ടും, ചാരനിറത്തിലുള്ള ജീൻസും, കറുത്ത ഷൂസുമായിരുന്നു ഇയാൾ ധരിച്ചിരുന്നത്. ആൽബർട്ട ലൈസൻസ് പ്ലേറ്റ് CTR 9938 ഉള്ള കറുത്ത 2024 റാം 3500 പിക്കപ്പ് ട്രക്കിലായിരുന്നു ഫിന്റോ വീട്ടിൽ നിന്ന് പുറപ്പെട്ടത്.
ഇയാൾ എവിടെയാണെന്ന് എന്തെങ്കിലും വിവരം ലഭിക്കുന്നവർ 403-266-1234 എന്ന നമ്പറിൽ ബന്ധപ്പെടണമെന്ന് പൊലീസ് അഭ്യർത്ഥിച്ചു.
