വാഷിങ്ടൻ: അടുത്ത മാർപാപ്പയാകാൻ ആഗ്രഹമുണ്ടെന്ന് തമാശയായി പറഞ്ഞ് അമേരിക്കൻ പ്രസിഡന്‍റ് ഡോണള്‍ഡ് ട്രംപ്. അടുത്ത മാർപാപ്പ ആരാകുമെന്ന മാധ്യമപ്രവർത്തകരുടെ ചോദ്യത്തിനാണ് തനിക്കു പാപ്പയായാൽ കൊള്ളാമെന്നുണ്ടെന്ന് ട്രംപ് പ്രതികരിച്ചത്. എന്റെ ആദ്യതാൽപര്യവും അതാണ് എന്നു ട്രംപ് പറഞ്ഞു.
പുതിയ പാപ്പ ആരാകുന്നതിലും തനിക്കു വിരോധമില്ലെന്നും ജനപ്രിയനായ ഒരു കർദിനാൾ നമുക്കുണ്ടെന്നും ട്രംപ് തുടർന്നു. ന്യൂയോർക്ക് ആർച്ച്ബിഷപ് കർദിനാൾ തിമോത്തി ഡോളൻ, ന്യൂജഴ്സി ആർച്ച്ബിഷപ് കർദിനാൾ ജോസഫ് ടോബിൻ എന്നിവർ കോൺക്ലേവ് അംഗങ്ങളാണ്. യുഎസിൽ നിന്ന് ഇതുവരെ മാർപാപ്പമാരില്ല.
