ടൊറൻ്റോ : 2026 ജനുവരി മുതൽ ഒന്റാരിയോയിലുടനീളമുള്ള കൺവീനിയൻസ് സ്റ്റോറുകളിലും ഗ്യാസ് സ്റ്റേഷനുകളിലും ബിയർ, വൈൻ, ടിന്നിലടച്ച കോക്ടെയ്ൽ പാനീയങ്ങൾ എന്നിവ വിൽപ്പനയ്ക്ക് എത്തുമെന്ന് റിപ്പോർട്ട്. ഇത് സംബന്ധിച്ചുള്ള പ്രഖ്യാപനം നാളെ പ്രീമിയർ ഡഗ് ഫോർഡ് നടത്തുമെന്നും റിപ്പോർട്ടുകൾ സൂചിപ്പിക്കുന്നു.
ബിയർ വിൽക്കാൻ അനുവദിച്ചിരിക്കുന്ന ഗ്രോസറി സ്റ്റോറുകളുടെ പരിധിയും നീക്കം ചെയ്യും. നിലവിൽ ബിയർ സ്റ്റോറിൽ മാത്രമായി പരിമിതപ്പെടുത്തിയിരിക്കുന്ന, 12, 24 പായ്ക്കുകൾ ബിയർ വിൽക്കുന്ന എല്ലാ റീട്ടെയിലർക്കും വിൽക്കാൻ അനുവദിക്കും.
“ഒന്റാരിയോ പ്രവിശ്യയിലുടനീളമുള്ള കൺവീനിയൻസ് സ്റ്റോറുകളിലും ഗ്രോസറി ഷോപ്പുകളിലും ബിയറും വൈനും കൊണ്ടുവരുമെന്ന് വാഗ്ദാനം ചെയ്തിട്ടുണ്ട്. തയ്യാറാകൂ, നാളെ വലിയ വാർത്തകൾ വരാനുണ്ട്,” ഡഗ് ഫോർഡ് സോഷ്യൽ മീഡിയയിൽ പോസ്റ്റ് വിഡിയോയിൽ പറഞ്ഞു.
