പി പി ചെറിയാൻ
ഡാലസ് : ഡാലസ് കേരള അസോസിയേഷനും ഇന്ത്യ കൾച്ചറൽ ആൻഡ് എഡ്യൂക്കേഷൻ സെന്‍ററും സംയുക്തമായി സംഘടിപ്പിച്ച ഇൻഡോർ സോക്കർ മത്സരത്തിൽ ഡാലസ് ഡൈനാമോസ് ചാമ്പ്യന്മാരായി. ആവേശകരമായ ഫൈനൽ മത്സരത്തിൽ നിശ്ചിത സമയത്തിൽ ഇരുടീമുകളും തുല്യ ഗോളുകൾ നേടിയതിനെ തുടർന്ന് നടന്ന ഷൂട്ട് ഔട്ടിൽ എഎസ്എ ഡാലസിനെ പരാജയപ്പെടുത്തിയാണ് ഡാലസ് ഡൈനാമോസ് വിജയകിരീടം ചൂടിയത്. വിജയികൾക്ക് ജോസഫ് ചാണ്ടി എവർറോളിങ് ട്രോഫി അസോസിയേഷൻ പ്രസിഡൻ്റ് പ്രദീപ് നാഗനൂലിൽ, ഷിജു അബ്രഹാം എന്നിവർ ചേർന്ന് സമ്മാനിച്ചു.
ഓഗസ്റ്റ് 17 ശനിയാഴ്ച്ച മെസ്‌കീറ്റ് ഇൻഡോർ സോക്കർ സ്റ്റേഡിയത്തിൽ നടന്ന ടൂർണമെൻ്റിൽ എട്ടു ടീമുകളാണ് പങ്കെടുത്തത്. അസോസിയേഷൻ സെക്രട്ടറി മഞ്ജിത് കൈനിക്കര, ദീപക് മഠത്തിൽ, സുബി ഫിലിപ്പ്, ഡയറക്ടർ ബോർഡ് അംഗങ്ങൾ എന്നിവർ നേതൃത്വം നൽകി.
