വായ്പാ സ്ഥാപനമായ റിലയൻസ് ഹോം ഫിനാൻസിലെ ഫണ്ട് വകമാറ്റി തിരിമറി നടത്തിയതിന് റിലയൻസ് ഗ്രൂപ്പ് ചെയർമാൻ അനില് അംബാനിയെയും റിലയൻസ് ഹോം ഫിനാൻസിൻ്റെ മുൻ പ്രധാന ഉദ്യോഗസ്ഥരെയും ഉൾപ്പെടെ 24 പേരെ വിലക്കി സെബി.
ആർഎച്ച്എഫ്എല്ലിന്റെ പ്രധാന മാനേജർമാരുടെ സഹായത്തോടെ പണം തട്ടിയെടുക്കാനുള്ള പദ്ധതി അനില് അംബാനി ആസൂത്രണം ചെയ്തതായി സെബി കണ്ടെത്തി.
ഡയറക്ടർ ബോർഡ് വായ്പാ രീതികള് അവസാനിപ്പിക്കാൻ ശക്തമായ നിർദ്ദേശങ്ങള് പുറപ്പെടുവിക്കുകയും കോർപ്പറേറ്റ് വായ്പകള് പതിവായി അവലോകനം ചെയ്യുകയും ചെയ്തിരുന്നുവെങ്കിലും, കമ്പനിയുടെ മാനേജ്മെൻ്റ് ഈ ഉത്തരവുകള് അവഗണിച്ചുവെന്നും സെബി കണ്ടെത്തി.
അനില് അംബാനിക്ക് 25 കോടി രൂപ പിഴ ചുമത്തുകയും സെക്യൂരിറ്റീസ് മാർക്കറ്റുമായി ഈ കാലയളവില് ബന്ധപ്പെടുന്നതില് നിന്ന് വിലക്കുകയും ചെയ്തു. റിലയൻസ് ഹോം ഫിനാൻസിന്റെ (RHFL) സെക്യൂരിറ്റീസ് മാർക്കറ്റിനെ ആറ് മാസത്തേക്ക് വിലക്കുകയും 6 ലക്ഷം രൂപ പിഴ ചുമത്തുകയും ചെയ്തു.