തിരുവനന്തപുരം: വന്യജീവി ആക്രമണം തടയാൻ പ്രത്യേകപാക്കേജ് നടപ്പിലാക്കുമെന്ന് ധനമന്ത്രി കെ.എൻ.ബാലഗോപാൽ. ഇതിനായി 50 കോടി അധികം അനുവദിച്ചു. തെരുവ് നായ ആക്രമണം പ്രതിരോധിക്കാൻ രണ്ടുകോടി രൂപയും ബജറ്റില്‍ വകയിരുത്തി. പാമ്പുകടിയേറ്റ് മരണം ഒഴിവാക്കാൻ പദ്ധതി കൊണ്ടുവരും. പാമ്പുകടി മരണങ്ങൾ ഇല്ലാതാക്കാൻ പാമ്പ് വിഷബാധ ജീവഹാനി രഹിത കേരളം പദ്ധതിക്കായി 25 കോടി നൽകുമെന്നും മന്ത്രി അറിയിച്ചു.
അതേസമയം ലൈഫ് പദ്ധതിക്ക് 1160 കോടി രൂപ വകയിരുത്തിയെന്ന് ധനമന്ത്രി കെ.എൻ ബാലഗോപാൽ വ്യക്തമാക്കി. ആരോഗ്യമേഖലയ്ക്ക് 10431 കോടി രൂപ. കാരുണ്യ ആരോഗ്യ സുരക്ഷയ്ക്ക് 800 കോടി, പൊതുമരാമത്ത് വകുപ്പിന് 3061 കോടി രൂപ വകയിരുത്തിയെന്നും ധനമന്ത്രി കെ.എൻ ബാലഗോപാൽ വ്യക്തമാക്കി. അനർഹർ പെൻഷൻ വാങ്ങുന്നത് തടയുമെന്ന് ധനമന്ത്രി കെ.എൻ ബാലഗോപാൽ പറഞ്ഞു.
