ടൊറന്റോ സിറ്റി കൗൺസിലറും ബോർഡ് ഓഫ് ഹെൽത്ത് ചെയറുമായ ജോ ക്രെസ്സി ജോർജ്ജ് ബ്രൗൺ കോളേജിലെ തന്റെ “ഡ്രീം ജോബ്” തുടരുന്നതിനായി സിറ്റി ഹാളിലെ തന്റെ സ്ഥാനം രാജിവെക്കുന്നതായി ചൊവ്വാഴ്ച പ്രഖ്യാപിച്ചു. സ്‌പാഡിന- ഫോർട്ട് യോർക്കിലെ ഡൗണ്ടൗൺ വാർഡിനെ പ്രതിനിധീകരിക്കുന്ന ക്രെസ്സി, ഡൗണ്ടൗൺ കോളേജിലെ ബാഹ്യ ബന്ധങ്ങൾ, ആശയവിനിമയങ്ങൾ, റിയൽ എസ്റ്റേറ്റ് വികസനം എന്നിവയുടെ സീനിയർ വൈസ് പ്രസിഡന്റായി സ്ഥാനമേറ്റതായി ചൊവ്വാഴ്ച രാവിലെ പ്രഖ്യാപിച്ചു.
“ഇത് ഒരു വികാരാധീനമായ ദിവസമാണെന്നും സിറ്റി ഹാളിലും ആരോഗ്യ ബോർഡിലും ഉണ്ടായിരുന്ന അവിശ്വസനീയമായ എട്ട് വർഷങ്ങൾക്ക് ശേഷം ഇന്ന് എന്റെ രാജി പ്രഖ്യാപിക്കുകയാണെന്നും സിറ്റി ഹാളിൽ നടന്ന വാർത്താ സമ്മേളനത്തിൽ ക്രെസി പറഞ്ഞു. സിറ്റി ഹാളും ആരോഗ്യ ബോർഡും വിടുന്നത് ബുദ്ധിമുട്ടാണ്… കഴിഞ്ഞ എട്ട് വർഷമായി ഞങ്ങൾക്ക് ചെയ്യാൻ കഴിഞ്ഞ പ്രവർത്തനത്തിൽ ഞാൻ അഭിമാനിക്കുന്നതായും ക്രെസി കൂട്ടിച്ചേർത്തു .
വരാനിരിക്കുന്ന മുനിസിപ്പൽ തിരഞ്ഞെടുപ്പിൽ താൻ വീണ്ടും ജനവിധി തേടില്ലെന്ന് ക്രെസി നേരത്തെ പ്രഖ്യാപിച്ചിരുന്നു. ഇന്ന് രാവിലെ വാർത്താ സമ്മേളനത്തിൽ സംസാരിച്ച മേയർ ജോൺ ടോറി, നഗരത്തിലെ COVID-19 മാസ് വാക്‌സിനേഷൻ പ്രോഗ്രാം നടപ്പിലാക്കുന്നതിനുള്ള നേതൃത്വം ഉൾപ്പെടെ വർഷങ്ങളായി ക്രെസി ചെയ്തതും നടത്തിയതുമായി പ്രോജക്റ്റുകൾക്ക് ക്രെസിയോട് നന്ദി പറഞ്ഞു.