ഉത്തരേന്ത്യയിൽ ഉഷ്ണതരംഗം ശക്തമാകുന്നു. ദില്ലിയിൽ മരണനിരക്കും ഹീറ്റ് സ്ട്രോക്ക് കേസുകളും കൂടുതൽ റിപ്പോർട്ട് ചെയ്യുന്നതായി ആശുപത്രി അധികൃതർ പറഞ്ഞു. ജൂൺ 11മുതൽ 19വരെ ഉഷ്ണതരംഗത്തിൽ റോഡിൽ കഴിയുന്ന 192 പേർ മരിച്ചതായി സെൻ്റർ ഫോർ ഹോളിസ്റ്റിക് ഡെവലപ്മെൻ്റ് വ്യക്തമാക്കി. രാജ്യതലസ്ഥാനത്ത് ജാഗ്രത നിർദേശം നൽകിയിട്ടുണ്ട്.
ദില്ലിക്ക് പുറമെ ഹരിയാന, പഞ്ചാബ്, ഉത്തർപ്രദേശ്, ബിഹാർ എന്നീ സംസ്ഥാനങ്ങളും ഉഷണതരംഗതിന്റെ പിടിയിലാണ്. വരുന്ന 5ദിവസം കൂടി ഉഷ്ണതരംഗം തുടരുമെന്നാണ് കാലാവസ്ഥ നിരീക്ഷണ കേന്ദ്രത്തിന്റെ അറിയിപ്പ്.