ഇസ്രയേല് സൈന്യവും ലെബനനിലെ ഹിസ്ബുള്ളയും തമ്മില് അതിര്ത്തിയില് നടക്കുന്ന ഏറ്റുമുട്ടലുകളില് ആശങ്ക പ്രകടിപ്പിച്ച് യുഎന് സെക്രട്ടറി ജനറല് അന്റോണിയോ ഗുട്ടെറസ്. ലെബനനെ മറ്റൊരു ഗാസയാക്കരുതെന്ന് ഗുട്ടെറസ് പറഞ്ഞു.
സംഘര്ഷം രൂക്ഷമായതിനൊപ്പം ഇരു രാജ്യങ്ങളിലെയും നേതാക്കള് തമ്മില് നടത്തുന്ന വെല്ലുവിളികളും കടുത്ത ആശങ്കയാണ് ഉയര്ത്തുന്നത്. ഈ പശ്ചാത്തലത്തില് കൂടിയാണ് ഗുട്ടെറസിന്റെ പ്രതികരണം. യുഎന് സമാധാന സേനാംഗങ്ങള് സ്ഥിതിഗതികള് ശാന്തമാക്കാനാണ് ശ്രമിക്കുന്നത്. പെട്ടെന്നുള്ള നീക്കവും തെറ്റായ കണക്കുകൂട്ടലുകളും അതിര്ത്തിക്കപ്പുറത്തേക്ക് നീളുന്ന വലിയ ദുരന്തത്തിന് കാരണമാകും. അത് നമ്മുടെ ഭാവനക്കുമപ്പുറമായിരിക്കും. ലെബനനെ മറ്റൊരു ഗസയാക്കുന്നത് കണ്ടുനില്ക്കാന് ലോക ജനതയ്ക്ക് സാധിക്കില്ല എന്ന് ഗുട്ടെറസ് പറഞ്ഞു.