കാൽഗറി : വിതരണ വെല്ലുവിളികളും വിലക്കയറ്റവും കാരണം ജൂണിൽ കാൽഗറി ഭവന വിൽപ്പനയിൽ നേരിയ ഇടിവുണ്ടാക്കി. 2023 ജൂണിലെ ഭവനവിൽപ്പനയിൽ നിന്നും 12.8% ഇടിവിൽ ഈ ജൂണിൽ 2,738 വീടുകളുടെ വിൽപ്പനയാണ് നടന്നതെന്ന് കാൽഗറി റിയൽ എസ്റ്റേറ്റ് ബോർഡ് (CREB) റിപ്പോർട്ട് ചെയ്തു. അതേസമയം വർഷം തോറും 8.5% വർധനയിൽ മൊത്തം റെസിഡൻഷ്യൽ ബെഞ്ച്മാർക്ക് വില 608,000 ഡോളറായി ഉയർന്നു.
കാൽഗറിയിലെ എല്ലാ മേഖലകളിലെയും വീടുകളുടെ വില ഉയർന്നതായി CREB ചീഫ് ഇക്കണോമിസ്റ്റ് ആൻ-മേരി ലൂറി പറഞ്ഞു. എന്നാൽ, ജൂണിൽ പുതിയ ലിസ്റ്റിങ്ങുകൾ 3,798 ആയി കുറഞ്ഞു. ഇത് വർഷം തോറും 3.6% കുറവാണ് രേഖപ്പെടുത്തിയത്.
ഓരോതരം വീടുകളുടെയും ബെഞ്ച്മാർക്ക് വില ചുവടെ ചേർക്കുന്നു :
- ഡിറ്റാച്ച്ഡ് : 767,600 ഡോളർ
- സെമി ഡിറ്റാച്ച്ഡ് : 686,100 ഡോളർ
- അപ്പാർട്ട്മെൻ്റ് : 344,700 ഡോളർ
