കുവൈത്തിലെ മംഗഫ് ലേബര് ക്യാമ്പിലുണ്ടായ തീപിടിത്തത്തില് മരിച്ചവരുടെ കുടുംബങ്ങള്ക്കായി ധനസഹായം കൈമാറി ലുലു ഗ്രൂപ്പ് ചെയര്മാന് എം.എ യൂസഫലി. മരിച്ചവരുടെ വിവരങ്ങള് സംബന്ധിച്ച് നോര്ക്ക തയ്യാറാക്കിയ പട്ടികയുടെ അടിസ്ഥാനത്തിലാണ് തുക കൈമാറിയത്.
ഓരോ കുടുംബത്തിനും അഞ്ച് ലക്ഷം രൂപ വീതം 1.20 കോടി രൂപയാണ് എം.എ യൂസഫലിയ്ക്ക് വേണ്ടി ലുലു ഗ്രൂപ്പ് റീജിയണല് ഡയറക്ടര് ജോയ് ഷഡാനന്ദന്, നോര്ക്ക റൂട്സ് ചീഫ് എക്സിക്യൂട്ടീവ് ഓഫീസര് അജിത് കോളശ്ശേരിയ്ക്ക് കൈമാറിയത്.
![](http://mcnews.ca/wp-content/uploads/2023/10/PRASANTH-VIJAYA-1024x536.jpeg)
കുവൈത്ത് ദുരന്തത്തില് മരിച്ച എല്ലാ ഇന്ത്യക്കാരുടെ കുടുംബാംഗങ്ങള്ക്കും എം.എ യൂസഫലി ധനസഹായം പ്രഖ്യാപിച്ചിരുന്നു. മരിച്ചവരുടെ വിവരങ്ങള് നോര്ക്ക ലഭ്യമാക്കുന്നതനുസരിച്ച് ബാക്കിയുള്ള തുകയും നോര്ക്കയ്ക്ക് ഉടന് കൈമാറും.