പ്രവാസികൾക്ക് കുവൈത്ത് ഫാമിലി വീസ വ്യവസ്ഥയിൽ മാറ്റം വരുത്തി ആഭ്യന്തര മന്ത്രാലയം. അപേക്ഷിക്കാൻ യൂണിവേഴ്സിറ്റി ഡിഗ്രി വേണമെന്ന വ്യവസ്ഥ റദ്ദാക്കാനാണ് തിങ്കളാഴ്ച തീരുമാനമായത്. ഇതിന്റെ അസ്ഥാനത്തിൽ, പ്രവാസികൾക്ക് ഭാര്യമാരെയും 14 വയസ്സിന് താഴെയുള്ള കുട്ടികളെയും യൂണിവേഴ്സിറ്റി ബിരുദമെന്ന വ്യവസ്ഥയില്ലാതെ രാജ്യത്തേക്ക് കൊണ്ടുവരാൻ അനുവാദമുണ്ടാകുമെന്ന് അറബ് ടൈംസ് ഓൺലൈൻ റിപ്പോർട്ട് ചെയ്തു.
![](http://mcnews.ca/wp-content/uploads/2023/10/PRASANTH-VIJAYA-1024x536.jpeg)
ഫാമിലി വീസയാവശ്യപ്പെടുന്ന പ്രവാസികൾക്ക് മിനിമം സാലറി 800 കുവൈത്ത് ദിനാർ വേണമെന്ന നിബന്ധനയടക്കമുള്ള പുതിയ വ്യവസ്ഥകൾ സംബന്ധിച്ച് മന്ത്രിതല പ്രമേയം പുറപ്പെടുവിച്ചതിന് ശേഷമാണ് ഈ നടപടി സ്വീകരിച്ചത്. അപേക്ഷകന്റെ രാജ്യത്തെ അവന്റെ തൊഴിൽ സർവകലാശാലാ യോഗ്യതാ സർട്ടിഫിക്കറ്റുകളുമായി പൊരുത്തപ്പെടണമെന്നും നിബന്ധനയുണ്ടായിരുന്നു. മന്ത്രാലയത്തിലെ സുരക്ഷാ വിഭാഗം റസിഡൻസി, തൊഴിൽ നിയമങ്ങൾ എന്നിവ ലംഘിക്കുന്നവർക്കെതിരെയുള്ള നടപടികൾ തുടരുമെന്നും വിവിധ വൃത്തങ്ങൾ അറിയിച്ചതായി അറബ് ടൈംസ് റിപ്പോർട്ട് ചെയ്തു.