കാൽഗറി : ജാസ്പർ കാട്ടുതീ കൈകാര്യം ചെയ്തതിൽ പ്രീമിയർ ഡാനിയേൽ സ്മിത്തിന്റെ സർക്കാരിന് വീഴ്ച പറ്റിയെന്ന് പരാമർശിക്കുന്ന റിപ്പോർട്ട് പിൻവലിക്കില്ലെന്ന് മേയർ റിച്ചാർഡ് അയർലൻഡ്. റിപ്പോർട്ട് രാഷ്ട്രീയപരമല്ലെന്നും തെറ്റിദ്ധരിക്കപ്പെട്ടതാണെന്നും അദ്ദേഹം പറഞ്ഞു. അഗ്നിശമന സേനാംഗങ്ങളെയും ഉദ്യോഗസ്ഥരെയും സർവേ ചെയ്ത് തയ്യാറാക്കിയ റിപ്പോർട്ട്, പ്രവിശ്യാ സർക്കാരിന്റെ ഇടപെടൽ തീ അണയ്ക്കുന്നതിനുള്ള ശ്രമങ്ങളെ തടസ്സപ്പെടുത്തിയെന്ന് പറയുന്നു.
അതേസമയം, റിപ്പോർട്ട് പിൻവലിച്ച് ടൗൺ മാപ്പ് പറയണമെന്ന് പ്രീമിയർ സ്മിത്ത് ആവശ്യപ്പെട്ടിരുന്നു. റിപ്പോർട്ട് തെറ്റിദ്ധരിക്കപ്പെട്ടതിൽ സ്മിത്തിന്റെ ഓഫീസ് ആശങ്ക പങ്കുവെച്ചെങ്കിലും, പ്രവിശ്യയുടെ സംഭാവനകളെ വിമർശിക്കാൻ ഉദ്ദേശിച്ചുള്ളതല്ലെന്ന് ടൗൺ അംഗീകരിക്കുന്നതിൽ സന്തോഷം പ്രകടിപ്പിച്ചു.
തീപിടിത്തത്തിൽ നശിച്ച 358 കെട്ടിടങ്ങളിൽ ഒന്നുപോലും ഇതുവരെ പുനർനിർമ്മിച്ചിട്ടില്ല. എന്നാൽ, 65 കെട്ടിട നിർമ്മാണ പെർമിറ്റുകൾ പ്രവിശ്യ സർക്കാർ നൽകിയിട്ടുണ്ട്.
