ദുബായ്: സന്ദര്‍ശകരുടെ ഒഴുക്കില്‍ വീണ്ടും റെക്കോര്‍ഡിട്ട് ദുബായ്. ഒരു കോടിക്ക് അടുത്ത് ആളുകളാണ് കഴിഞ്ഞ 6 മാസം കൊണ്ട് ദുബായ് സന്ദര്‍ശിച്ചത്. മുന്‍ വര്‍ഷത്തെ അപേക്ഷിച്ച് ഇത്തവണ 6 ശതമാനം കൂടുതലാണ്.
സന്ദര്‍ശക വിസയെടുത്ത് കാണാന്‍ എത്തുന്നവര്‍, ജോലി തേടി എത്തുന്നവര്‍, ലോകോത്തര എക്‌സ്‌പോകള്‍ക്ക് എത്തുന്നവര്‍, അവരെല്ലാം കൂടി ചേര്‍ന്ന് ഈ വര്‍ഷത്തെ ആദ്യ 6 മാസക്കാലം കൊണ്ട് സന്ദര്‍ശകരുടെ എണ്ണം 98 ലക്ഷത്തി എണ്‍പതിനായിരത്തിന് മുകളിലെത്തി.
ലോകത്തെ ആദ്യ മൂന്ന് ടൂറിസം കേന്ദ്രങ്ങളിലൊന്നാക്കി ദുബായിയെ മാറ്റണമെന്നാണ് കിരീടാവകാശി ഷെയ്ഖ് ഹംദാന്റെ പദ്ധതി. ഇനിയുള്ള ആറ് മാസക്കാലവും ദുബായ്ക്ക് തിരക്കേറിയതാകും എന്നാണ് റിപ്പോര്‍ട്ടുകള്‍ സൂചിപ്പിക്കുന്നത്.
