ഓട്ടവ : ഈ ആഴ്ച ബ്രിട്ടിഷ് കൊളംബിയ പ്രൊവിൻഷ്യൽ നോമിനി പ്രോഗ്രാമും (BCPNP) ഒൻ്റാരിയോ ഇമിഗ്രൻ്റ് നോമിനി പ്രോഗ്രാമും (OINP) അതത് പ്രൊവിൻഷ്യൽ നോമിനി പ്രോഗ്രാമുകൾ (PNP-കൾ) വഴി അപേക്ഷകർക്ക് ഇൻവിറ്റേഷൻ നൽകി.
വിദഗ്ധ തൊഴിലാളികൾക്ക് കാനഡയിലേക്ക് കുടിയേറുന്നതിനുള്ള ഒരു സുപ്രധാന മാർഗ്ഗമാണ് പ്രൊവിൻഷ്യൽ നോമിനേഷൻ പ്രോഗ്രാമുകൾ (പിഎൻപികൾ). കാനഡയിലെ ഓരോ പ്രവിശ്യയ്ക്കും അവരുവരുടേതായ പ്രൊവിൻഷ്യൽ നോമിനേഷൻ പ്രോഗ്രാമുകൾ (പിഎൻപികൾ) ഉണ്ട്. ഇവയിലൂടെ അർഹരായ സ്കിൽഡ് വർക്കേഴ്സിനെയും ബിസിനസ്സുകാരെയും കാനഡയിൽ സ്ഥിരതാമസത്തിനായി ഓരോ പ്രവിശ്യകളും ശുപാർശ ചെയ്യുന്നു. ഓരോ പ്രവിശ്യയുടെയും ജനസംഖ്യ, തൊഴിൽമേഖലയിലെ ആവിശ്യങ്ങൾ എന്നിവ മുൻനിർത്തിയാണ് പ്രൊവിൻഷ്യൽ നോമിനേഷൻ പ്രോഗ്രാമുകൾ പ്രവർത്തിക്കുന്നത്.
പ്രൊവിൻഷ്യൽ ഇമിഗ്രേഷൻ റിസൾട്ട് ഒക്ടോബർ 12-18
ഒൻ്റാരിയോ
ഒക്ടോബർ 17-ന്, ഒൻ്റാരിയോ ഇമിഗ്രൻ്റ് നോമിനി പ്രോഗ്രാം (OINP), എക്സ്പ്രസ് എൻട്രി: സ്കിൽഡ് ട്രേഡ്സ് സ്ട്രീമിന് യോഗ്യത നേടുന്ന ഉദ്യോഗാർത്ഥികൾക്ക് ഇൻവിറ്റേഷൻ നൽകി. 405-435 സമഗ്ര റാങ്കിംഗ് സിസ്റ്റം (CRS) സ്‌കോർ ഉള്ള 1,307 ഉദ്യോഗാർത്ഥികൾക്കാണ് ഇൻവിറ്റേഷൻ ലഭിച്ചത്.
ബ്രിട്ടിഷ് കൊളംബിയ
ഒക്ടോബർ 16-ന്, ബ്രിട്ടീഷ് കൊളംബിയ പ്രൊവിൻഷ്യൽ നോമിനി പ്രോഗ്രാം (BCPNP) രണ്ട് വ്യത്യസ്ത നറുക്കെടുപ്പുകളിലൂടെ 190 ഉദ്യോഗാർത്ഥികൾക്ക് ഇൻവിറ്റേഷൻ നൽകി. ഒന്നിലധികം സ്ട്രീമുകളിലുടനീളം നടന്ന ഒരു പൊതു തിരഞ്ഞെടുപ്പായിരുന്നു ആദ്യ നറുക്കെടുപ്പ്. ഈ നറുക്കെടുപ്പിലൂടെ ബിസിപിഎൻപി 102 ഉദ്യോഗാർത്ഥികൾക്കാണ് ഇൻവിറ്റേഷൻ ലഭിച്ചത്. സ്കിൽഡ് വർക്കർ, ഇൻ്റർനാഷണൽ ഗ്രാജ്വേറ്റ് (EEBC ഓപ്ഷൻ ഉൾപ്പെടെ) സ്ട്രീമുകളിലൂടെ നിർദ്ദിഷ്ട വ്യവസായങ്ങളിൽ പ്രൊഫഷണൽ പരിചയമുള്ള ഉദ്യോഗാർത്ഥികൾക്കായി BCPNP ടാർഗെറ്റുചെയ്‌ത നറുക്കെടുപ്പുകളും നടത്തി. ഈ നറുക്കെടുപ്പുകളിലൂടെ 88 അപേക്ഷകർക്കും പ്രവിശ്യ ഇൻവിറ്റേഷൻ നൽകിയിട്ടുണ്ട്.
